BJP in-charges | రాష్ట్రాల‌కు ఇంఛార్జిల‌ను నియ‌మించిన బీజేపీ.. తెలంగాణ‌కు ఎవ‌రంటే

BJP in-charges : వివిధ రాష్ట్రాల‌కు బీజేపీ ఇంఛార్జిల‌ను, కో ఇంఛార్జిల‌ను నియ‌మించింది. పార్టీ వ్య‌వ‌స్థాగ‌త నిర్మాణం, మార్పుల‌లో భాగంగా 28 రాష్ట్రాల‌కు, 8 కేంద్ర పాలిత ప్రాంతాల‌కు ఇంఛార్జిల‌ను, కో ఇంఛార్జిల‌ను నియ‌మిస్తూ బీజేపీ జాతీయాధ్య‌క్షుడు నితిన్ న‌బిన్ ఆదేశాలు జారీ చేశారు. బాధ్య‌త‌లు అందుకున్న వారిలో ప‌లువురు సీనియ‌ర్ లీడ‌ర్లు, కేంద్ర మంత్రులు కూడా ఉన్నారు.

తెలంగాణ‌కు సునీల్ బ‌న్స‌ల్‌ను ఇంఛార్జిగా, అభ‌య్ పాటిల్, రేఖా శ‌ర్మ‌ను కో ఇంఛార్జిలుగా నియ‌మించారు. ఏపీకి అర‌వింద్ బ‌డోరియాను ఇంఛార్జిగా, వ‌న‌తి శ్రీనివాస‌న్‌ను కో ఇంచార్జిగా నియ‌మించింది. ప‌ద‌వులు అందుకున్న వారిలో కొంద‌రు కొత్త‌వారు కూడా ఉన్నారు. ఏపీకి చెందిన ద‌గ్గుబాటి పురందేశ్వ‌రిని ఒడిశా ఇంఛార్జిగా నియ‌మించారు. వ‌సుంధ‌రా రాజే, బైజ‌యంత్ జ‌య్ పాండా, రేఖా వ‌ర్మ‌, తారిక్ మ‌న్సూర్‌లు బీజేపీ ఉపాధ్య‌క్షులుగా కొన‌సాగుతారు. మ‌రికొంద‌రిని ఉపాధ్యక్ష స్థానాల నుంచి త‌ప్పించారు. వివిధ రాష్ట్రాలు, కేంద్ర పాలిత ప్రాంతాల‌కు సంబంధించిన ఇంఛార్జిల వివ‌రాలివి.

అండ‌మాన్ నికోబార్ (జై ప్ర‌కాష్‌), అరుణాచ‌ల్ ప్ర‌దేశ్ (దేవేష్ కుమార్), ఆంధ్ర‌ప్ర‌దేశ్ (అర‌వింద్ బ‌డోరియా), అసోం (మంగ‌ళ్‌పాండే), బిహార్ (హ‌రీష్ ద్వివేది), చండీగ‌ఢ్ (మ‌హేంద్ర పాండే), దాద్రా న‌గ‌ర్ హ‌వేలి, డామ‌న్, డ‌య్యు (వ‌ర్ష‌బెన్ న‌రేంద్ర‌బాయ్ దోషి), ఢిల్లీ (విన‌య్ స‌హ‌స్ర‌బుద్దె), గోవా (డా.భార‌తిప్ర‌వీణ్ ప‌వార్), గుజ‌రాత్ (త‌రుణ్ చుగ్), హ‌రియాణా (స్మృతి ఇరాని), హిమాచ‌ల్ ప్ర‌దేశ్ (శ్రీకాంత్ శ‌ర్మ‌), జ‌మ్మూ కాశ్మీర్ (డా.స‌తీష్ పూనియా), ఝార్కండ్ (గ‌జేంద్ర ప‌టెల్), క‌ర్ణాట‌క (హ‌రీష్ ద్వివేది), కేర‌ళం (ఎం నాగార్జున‌), ల‌దాక్ (రాజ్‌కుమార్ భాటియా), ల‌క్ష‌ద్వీప్ (జార్జ్ కురియ‌న్), మ‌ధ్య‌ప్ర‌దేశ్ (బిప్ల‌వ్ కుమార్ దేవ్), మ‌హారాష్ట్ర (బ‌లిజ‌యంత్ పాండా), మ‌ణిపూర్ (డా.రాజ్‌దీప్ రాయ్), మేఘాల‌య (క‌న‌ద్ పుర్క‌య‌స్త‌), మిజోరం (డా.భ‌గ‌వ‌త్ క‌రాద్‌), నాగాలాండ్ (అనిల్ కే ఆంటోని), ఒడిశా (ద‌గ్గుబాటి పురందేశ్వ‌రి), పుదుచ్చేరి (కే సురేంద్ర‌న్), పంజాబ్ (డా.స‌తీష్ పూనియా), రాజ‌స్తాన్ (సంజ‌య్ భాటియా), సిక్కిం (రాజు బిస్తా), త‌మిళ‌నాడు (రామ్ మాధ‌వ్), త్రిపుర (మృగాంక దేవ్ వ‌ర్మ‌న్), యూపీ (వినోద్ తావ్డే), ఉత్త‌రాఖండ్ (రామ్ మాధ‌వ్), వెస్ట్ బెంగాల్ (సునీల్ బ‌న్స‌ల్).