Rahul Gandhi | నేను నా గర్ల్ఫ్రెండ్తో రెస్టారెంట్కు వెళ్లా.. ఆసక్తికర విషయాన్ని పంచుకున్న రాహుల్గాంధీ..!

Rahul Gandhi : కాంగ్రెస్ పార్టీ అగ్ర నాయకుడు (Congress Top Leader), ఎంపీ రాహుల్గాంధీ (Rahul Gandhi) తన వ్యక్తిగత జీవితం గురించి ఆసక్తికర విషయాన్ని పంచుకున్నారు. ఒకప్పుడు తాను తన గర్ల్ఫ్రెండ్ (Girl Friend) తో కలిసి కేంబ్రిడ్జి (Cambridge) లోని ఓ రెస్టారెంట్ (Restaurant) కు వెళ్లిన విషయాన్ని రాహుల్ వెల్లడించారు. తన తల్లి సోనియాగాంధీ (Sonia Gandhi) ఆత్మకథ పుస్తకం ‘బిలాంగింగ్ : ఎ జర్నీ ఆఫ్ లవ్’ ఆవిష్కరణ కార్యక్రమంలో రాహుల్గాంధీ మాట్లాడుతూ.. తన తల్లిదండ్రులు రాజీవ్గాంధీ (Rajiv Gandhi), సోనియాగాంధీ విద్యార్థులుగా ఉన్నప్పుడు మొదటిసారి కేంబ్రిడ్జి ‘వర్సిటీ రెస్టారెంట్’ లో కలుసుకున్నారని తెలిపారు.
తన తల్లిదండ్రులు తొలిసారి కలుసుకున్న కేంబ్రిడ్జి వర్సిటీ రెస్టారెంట్ను తానూ సందర్శించాలని భావించానని, ఆ మేరకు తాను తన గర్ల్ఫ్రెండ్ను తీసుకుని ఆ రెస్టారెంట్కు వెళ్లానని చెప్పారు. తన తల్లిదండ్రులు దశాబ్దాలపాటు అప్పుడప్పుడూ ఆ రెస్టారెంట్ను సందర్శించారని తెలిపారు. ఈ నేపథ్యంలో తాను వెళ్లినప్పుడు రెస్టారెంట్ సిబ్బందితో తన తల్లిదండ్రుల విషయాన్ని ప్రస్తావించానని, దాంతో వెంటనే వారు నాటి జ్ఞాపకాలను తనతో పంచుకున్నారని చెప్పారు.
కాగా, పుస్తకావిష్కరణ కార్యక్రమం అనంతరం మీడియా ప్రతినిధులు రాహుల్గాంధీతో మాట్లాడారు. ఈ సందర్భంగా ఇప్పుడు మీ గర్ల్ఫ్రెండ్ ఎక్కడ ఉన్నారని ప్రశ్నించారు. అందుకు రాహుల్గాంధీ స్పందిస్తూ ‘ఆమె ఇప్పుడు నాకు స్నేహితురాలు’ అని చమత్కారంగా సమాధానం చెప్పారు.
Comments (0)