Rahul Gandhi | అమ్మ భయపడటం నా జీవితంలో ఒక్కసారి కూడా చూడలేదు : రాహుల్గాంధీ

Rahul Gandhi : కాంగ్రెస్ పార్టీ అగ్ర నాయకుడు (Congress Top Leader), ఎంపీ రాహుల్గాంధీ (Rahul Gandhi) తన తల్లిలోని ధైర్యాన్ని గురించి గొప్పగా చెప్పారు. తన తల్లి సోనియాగాంధీ (Sonia Gandhi) ఆత్మకథ పుస్తకం ‘బిలాంగింగ్ : ఎ జర్నీ ఆఫ్ లవ్’ ఆవిష్కరణ కార్యక్రమంలో రాహుల్గాంధీ మాట్లాడుతూ.. తన తల్లి ఒకటి కాదు, రెండు కాదు, మూడు కాదు, ఏకంగా నాలుగుసార్లు క్యాన్సర్ (Cancer) జయించిందని తెలిపారు. ఆమెలో ధైర్యం ఎక్కువని, తన తల్లి భయపడటాన్ని తాను తన జీవితంలో ఒక్కసారి కూడా చూడలేదని అన్నారు.
తన తల్లి దశాబ్దాలుగా ఎదుర్కొన్న వ్యక్తిగత ఆరోగ్య సమస్యల గురించి కూడా రాహుల్గాంధీ మాట్లాడారు. తన పుస్తకంలో ఆమె ఈ విషయాలను తక్కువ చేసి చూపినప్పటికీ.. వాస్తవానికి ఆమె నాలుగుసార్లు క్యాన్సర్ను జయించిందని తెలిపాడు. అమ్మరాసిన పుస్తకంలో మీరు చదువుతున్నది నాన్న చనిపోక ముందు అమ్మ గురించని, ఆ తర్వాత ఎన్నో విపత్కర పరిస్థితులను ఎదుర్కొన్నారని చెప్పారు. అమ్మానాన్నలు నిన్ను ఎంతో ప్రేమించారు, నాన్న నిన్ను చూసి ఎంత గర్వపడేవారో నేను మాటల్లో చెప్పలేను అని అక్కడే వేదికపై ఉన్న తన సోదరి ప్రియాంకాగాంధీ వాద్రాను ఉద్దేశించి అన్నారు.
1991లో మాజీ ప్రధాని రాజీవ్ గాంధీ హత్య తర్వాత ఎదురైన కష్టకాలం గురించి సోనియాగాంధీ మాట్లాడుతూ.. భద్రతాకారణాలవల్ల రాహుల్ గాంధీ హార్వర్డ్ విశ్వవిద్యాలయం నుంచి వేరొక అమెరికన్ కళాశాలకు నకిలీ గుర్తింపుతో బదిలీ అయ్యాడని చెప్పారు. తండ్రి మరణానంతరం రాహుల్ను అమెరికాలోని హార్వర్డ్లో చేర్పించామని, అయితే రాహుల్కు సెక్యూరిటీ వారు అంగీకరించలేదని, అది ఇతరులకు ప్రమాదకరమని చెప్పి తిరస్కరించారని సోనియా గుర్తుచేసుకున్నారు. దాంతో మరో కళాశాలలో నకిలీ గుర్తింపుతో చేర్పించామని చెప్పారు.
Comments (0)