Delhi High Court: 3 వారాల డెడ్‌లైన్‌.. కేజ్రీ టీమ్‌కు ఢిల్లీ హైకోర్టు వార్నింగ్‌

17 November 2026 - 13:30
0 0
Delhi High Court: 3 వారాల డెడ్‌లైన్‌.. కేజ్రీ టీమ్‌కు ఢిల్లీ హైకోర్టు వార్నింగ్‌
Kejriwal

న్యూఢిల్లీ: ఆమ్ ఆద్మీ చీఫ్ అర‌వింద్ కేజ్రీవాల్‌తో పాటు ఆ పార్టీకి చెందిన ఇత‌ర నేత‌ల‌కు ఇవాళ ఢిల్లీ హైకోర్టు (Delhi High Court) వార్నింగ్ ఇచ్చింది. నేర‌పూరిత కోర్టు ధిక్క‌ర‌ణ కేసులో స్పందించ‌క‌పోవ‌డం ప‌ట్ల కోర్టు సీరియ‌స్ అయ్యింది. మ‌రింత జాప్యం జ‌రిగితే ఊరుకునేది లేద‌ని కోర్టు త‌న వార్నింగ్‌లో పేర్కొన్న‌ది. జ‌స్టిస్ స్వ‌ర‌ణ కాంత శ‌ర్మ‌పై సోష‌ల్ మీడియాలో ఆప్ నేత‌లు అనుచిత వ్యాఖ్య‌లు చేసిన విష‌యం తెలిసిందే. ఢిల్లీ లిక్క‌ర్ కేసు వాద‌న‌ల స‌మ‌యంలో జ‌స్టిస్ శ‌ర్మ‌ను టార్గెట్ చేస్తూ ఆప్ నేత‌లు పోస్టులు పెట్టారు. అయితే ఆ అంశంలో ఆప్ నేత‌ల‌పై క్రిమిన‌ల్ కేసు నమోదు అయ్యింది.

త‌న తాజా ఉత్త‌ర్వుల్లో మ‌రో మూడు వారాల్లోగా ఆప్ నేత‌లు వివ‌ర‌ణ ఇవ్వాల‌ని ఢిల్లీ హైకోర్టు పేర్కొన్న‌ది. కోర్టును స‌ర‌దా తీసుకుంటున్నార‌ని ఆప్ నేత‌ల‌ను ఢిల్లీ హైకోర్టు త‌ప్పుప‌ట్టింది. మూడు వారాల్లోగా వివ‌ర‌ణ ఇవ్వ‌కుంటే, కేసును ఆటోమెటిక్‌గా క్లోజ్ చేస్తామ‌ని కోర్టు చెప్పింది. ఆప్ నేత‌లు ఆ కేసులో స్పందించే హ‌క్కును కోల్పోతార‌ని కోర్టు వెల్ల‌డించింది.

Comments (0)

User