Notification | రోస్టర్‌ పాయింట్లను సవరించిన తర్వాతనే అసిస్టెంట్‌ ప్రొఫెసర్‌ నోటిఫికేషన్‌ ఇవ్వాలి

18 November 2026 - 21:30
0 0
Notification | రోస్టర్‌ పాయింట్లను సవరించిన తర్వాతనే అసిస్టెంట్‌ ప్రొఫెసర్‌ నోటిఫికేషన్‌ ఇవ్వాలి
Mala Sangam

హనుమకొండ చౌరస్తా : కాకతీయ యూనివర్సిటీ (KU ) లో త్వరలో విడుదల చేయనున్న అసిస్టెంట్‌ ప్రొఫెసర్‌ (Assistant Professor ) నియామకాల నోటిఫికేషన్‌ ( Notification ) ను, ఎస్సీ వర్గీకరణలో భాగంగా రోస్టర్‌ పాయింట్లను శాస్త్రీయంగా సవరించిన తర్వాతనే జారీ చేయాలని మాల సంఘం రాష్ట్ర ప్రభుత్వాన్ని, యూనివర్సిటీ అధికారులను డిమాండ్‌ చేశారు. ఈ మేరకు బుధవారం మాల సంఘం ఆధ్వర్యంలో కాకతీయ యూనివర్సిటీ వైస్ ఛాన్సలర్‌కు వినతిపత్రాన్ని అందజేశారు.

మాల సంఘం నాయకులు మాట్లాడుతూ తెలంగాణ రాష్ట్రప్రభుత్వం 2025 ఏప్రిల్‌ 14న తీసుకొచ్చిన ఎస్సీ వర్గీకరణ చట్టం ప్రకారం రూపొందించిన రోస్టర్‌ విధానం వలన ఎస్సీ గ్రూప్‌-3 పరిధిలోని 26 మాల కులాలకు తీవ్రమైన అన్యాయం జరుగుతోందని ఆవేదన వ్యక్తం చేశారు. ఇప్పటివరకు రాష్ట్రప్రభుత్వం విడుదల చేసిన 25 వివిధ నోటిఫికేషన్లలో గ్రూప్‌-3లోని కులాలకు రావాల్సిన ఉద్యోగాలు దక్కలేదని, ఈ చట్టపరమైన లోపాలను సరిదిద్దాలని కోరుతూ 20 నెలలుగా రాష్ట్రవ్యాప్తంగా వివిధ రూపాలలో శాంతియుత ఉద్యమాలు చేస్తున్నామని వెల్లడించారు.

అయినప్పటికీ రోస్టర్‌ పాయింట్లలో తగిన సవరణలు చేయకుండా యూనివర్సిటీలో అసిస్టెంట్‌ ప్రొఫెసర్‌ ఉద్యోగాల భర్తీకి ముద్రవేయడం మాల కులాలకు వ్యతిరేకంగా జరుగుతున్న అన్యాయమే అవుతుందని నాయకులు హెచ్చరించారు. వినతిపత్రం అందజేసినవారిలో ఆల్‌ మాల స్టూడెంట్‌ అసోసియేషన్‌ ప్రెసిడెంట్‌ గుండు రాజేష్‌, కాంట్రాక్ట్‍ ప్రొఫెసర్‌ డాక్టర్‌ కర్రె సదాశివ, మాల సంఘాల సీనియర్‌ నాయకులు డాక్టర్‌ జెట్టి రాజేందర్‌, డాక్టర్‌ చందర్‌రావు, డాక్టర్‌ విష్ణువర్ధన్‌, చంద్రమౌళి, పీజీ స్టూడెంట్స్​‍ అరుణ్‌ ఉన్నారు.

Comments (0)

User