‘పల్లె దవాఖానాలో ఎంబీబీఎస్ వైద్యుడిని ఏర్పాటు చేయాలి’

– ఐటీడీఏ పీవోకు సర్పంచ్ సరోజ వినతి
బూర్గంపహాడ్, నవంబర్ 19 : బూర్గంపహాడ్ మండల పరిధిలోని నాగినేనిప్రోలు రెడ్డిపాలెం పంచాయతీలో ఏర్పాటు చేసిన పల్లె దవాఖానాలో ఎంబీబీఎస్ వైద్యుడిని ఏర్పాటు చేయాలని సర్పంచ్ బానోత్ సరోజ ఐటీడీఏ పీవో రాహుల్కు గురువారం వినతిపత్రం అందజేశారు. ఈ సందర్భంగా ఆమె మాట్లాడుతూ.. పల్లె దవాఖానాలో ప్రతి రెండు వారాలకొకసారైనా ఎంబీబీఎస్ వైద్యుడిని ఏర్పాటు చేస్తే ఈ ప్రాంత రోగులకు మెరుగైన వైద్య సేవలు అందించవచ్చని తెలిపారు. ఐటీసీ పీఎస్పీడీ యూనిట్ నాగినేనిప్రోలు రెడ్డిపాలెంలో నెలకొల్పే ఫంక్షన్హాల్కు ముత్యాలమ్మ తల్లి గుడి నుండి ఫంక్షన్హాల్ వరకు సీసీ రోడ్డు ఏర్పాటు చేయించాలని, అదేవిధంగా కడారి శ్రీను ఇంటి నుండి ముత్యాలమ్మ గుడి వరకు సీసీ రోడ్డు ఏర్పాటు చేయించాలని ఆ వినతిలో కోరారు.
Comments (0)