Mother Dairy: మ‌ద‌ర్ డెయిరీ, అముల్ పాలు మ‌రింత ప్రియం.. లీట‌ర్‌పై రూ.6 వ‌ర‌కు పెంపు

న్యూఢిల్లీ: లీట‌ర్ పాల ధ‌ర‌ల‌ను పెంచేశారు. మ‌ద‌ర్ డెయిరీ, అముల్ సంస్థ‌లు.. పాల ధ‌ర‌ల‌ను పెంచుతున్న‌ట్లు ప్ర‌క‌టించాయి. గురువారం నుంచి కొత్త‌గా ప్ర‌క‌టించిన పాల ధ‌ర‌లు అమ‌లులోకి రానున్నాయి. లీట‌రుపై రూ.2 నుంచి రూ.6 వ‌ర‌కు పెరిగిన‌ట్లు తెలుస్తోంది. రైతుల‌కు చెల్లించే పాల సేక‌ర‌ణ బిల్లు పెర‌గ‌డంతో.. డెయిరీ సంస్థ‌లు పాలు. పాల ఉత్ప‌త్తుల‌పై ధ‌ర‌ను పెంచేశాయి. ఫుల్ క్రీమ్ మిల్క్‌పై లీట‌ర్‌కు రూ.4 పెంచారు. ఢిల్లీ-ఎన్సీఆర్ ప్రాంతంలో మ‌ద‌ర్ డెయిరీ అతిపెద్ద మిల్క్ స‌ర‌ఫ‌రా కంపెనీ. గ‌తంలో మే 14, 2026లో చివ‌రిసారి మ‌ద‌ర్ డెయిరీ త‌న పాల ధ‌ర‌ల‌ను పెంచింది. ఏప్రిల్ 2025లో కూడా ఓసారి పెంచారు.

పాల సేక‌ర‌ణ ఖ‌ర్చులు పెర‌గ‌డం వ‌ల్ల ఆ ప్రాక్యూర్‌మెంట్ ఛార్జీల‌ను క‌స్ట‌మ‌ర్లును వ‌సూల్ చేసే క్ర‌మంలో పాల ధ‌ర‌ను పెంచిన‌ట్లు తెలుస్తోంది. ఫుల్ క్రీమ్ మిల్క్ లీట‌రుకు 72 నుంచి 76కు పెరిగింది. టోన్డ్ మిల్క్ 58 నుంచి 60కి పెంచారు. టోన్డ్ మిల్క్‌(పౌచ్డ్‌) 62కు పెంచారు. డ‌బుల్ టోన్డ్ మిల్క్‌ను లీట‌రుకు 56 చేశారు. ఢిల్లీ-ఎన్‌సీఆర్ ప్రాంతంలో మ‌ద‌ర్ డెయిరీ సుమారు 35 ల‌క్ష‌ల లీట‌ర్ల పాలు ప్ర‌తి రోజూ స‌ర‌ఫ‌రా చేస్తోంది.