Megaverse | చిరంజీవి ‘మెగావర్స్’ షోకి చీఫ్ గెస్ట్‌గా రెబల్ స్టార్ ప్రభాస్?.. టాలీవుడ్‌లో హాట్ టాపిక్‌గా మారిన క్రేజీ న్యూస్!
Megaverse | మెగాస్టార్ చిరంజీవి హోస్ట్‌గా ప్రముఖ ఓటీటీ వేదిక నెట్‌ఫ్లిక్స్ ప్రతిష్టాత్మకంగా తెరకెక్కిస్తున్న సెలబ్రిటీ టాక్ షో ‘మెగావర్స్’ ప్రస్తుతం ఫిలిం సర్కిల్స్‌లో విపరీతమైన ఆసక్తిని రేకెత్తిస్తోంది. తెలుగు సినిమా వైభవాన్ని, లెజెండ్స్ ప్రయాణాన్ని సెలబ్రేట్ చేసుకునేలా అద్భుతంగా రూపుదిద్దుకుంటున్న ఈ షోపై ఇప్పటికే భారీ అంచనాలు నెలకొన్నాయి. ఈ క్రమంలోనే ఈ షోకు హాజరుకాబోయే అతిథుల జాబితా గురించిన చర్చ సోషల్ మీడియాలో హాట్ టాపిక్‌గా మారింది. ముఖ్యంగా పాన్ ఇండియా రెబల్ స్టార్ ప్రభాస్ ఈ షోకి చీఫ్ గెస్ట్‌గా లేదా ప్రత్యేక అతిథిగా రాబోతున్నారనే ప్రచారం టాలీవుడ్‌లో సర్వత్ర చర్చనీయాంశమైంది.
‘మెగావర్స్’ షోలో మెగాస్టారితో పాటు టాలీవుడ్ మరియు ఇతర భాషలకు చెందిన పలువురు టాప్ స్టార్స్ సందడి చేయనున్నట్లు తెలుస్తోంది. ఇందులో పవన్ కళ్యాణ్, రామ్ చరణ్, కమల్ హాసన్, నాగార్జున, వెంకటేశ్ వంటి దిగ్గజ నటులతో పాటు రెబల్ స్టార్ ప్రభాస్ కూడా ఒక ప్రత్యేక ఎపిసోడ్‌లో అతిథిగా కనిపించవచ్చనే ఊహాగానాలు జోరుగా సాగుతున్నాయి. “మాస్‌కి గ్రామర్, స్టైల్‌కి డెఫినిషన్.. మెగాస్టార్ ఈజ్ హియర్” అంటూ నెట్‌ఫ్లిక్స్ ఇప్పటికే విడుదల చేసిన అఫీషియల్ అనౌన్స్‌మెంట్‌తో ఈ షోపై అంచనాలు తారాస్థాయికి చేరగా, హైదరాబాద్‌లోని ప్రముఖ స్టూడియోస్‌లో దీనికి సంబంధించిన షూటింగ్ కూడా శరవేగంగా జరుగుతోంది. అయితే, ప్రభాస్ లేదా ఇతర స్టార్ల గెస్ట్ అప్పీయరెన్స్‌లపై నెట్‌ఫ్లిక్స్ లేదా మేకర్స్ నుంచి ఇంకా అధికారిక ప్రకటన వెలువడాల్సి ఉంది. అయినప్పటికీ, మెగాస్టార్ తెరపైకి రెబల్ స్టార్ రానున్నారనే ప్రచారమే అభిమానుల్లో అంచనాలను విపరీతంగా పెంచేస్తోంది.
Comments (0)