KTR | క‌రువుతో ప్ర‌జ‌లు అల్లాడుతుంటే మూసీ సుంద‌రీక‌ర‌ణ‌ అవసరమా? కేటీఆర్‌

17 November 2026 - 17:30
0 0
KTR | క‌రువుతో ప్ర‌జ‌లు అల్లాడుతుంటే మూసీ సుంద‌రీక‌ర‌ణ‌ అవసరమా? కేటీఆర్‌
Ktr

KTR | రాష్ట్రంలో నీళ్లు లేక‌ క‌రువుతో ప్ర‌జ‌లు అల్లాడుతుంటే భారత్ సమ్మిట్‌కు కోట్లు ఖర్చు పెట్టి ప్ర‌చారం చేసుకోవ‌డం అవసరమా? అని బీఆర్ఎస్ వ‌ర్కింగ్ ప్రెసిడెంట్ కేటీఆర్ అన్నారు. ఈ సంద‌ర్భంగా ఆయ‌న మాట్లాడుతూ.. ఇది ప్రకృతి తెచ్చిన కరువు కాదు పాలకులు తెచ్చిన వికృతి కరువు అని మండిప‌డ్డారు.
కరువులో 9 వేల కోట్లు కొడంగల్‌కు పెట్టడం అవసరమా? రాష్ట్రంలో కొడంగల్ ఒక్కటే ఉందా? అని ప్ర‌శ్నించారు. 250 టీఎంసీల‌ నీళ్లు కృష్ణా నదిలో ఉన్నాయి. ఎందుకు పంపులు ఆన్ చేయడం లేద‌న్నారు.

70 కిలోమీటర్ల దగ్గర్లో ఉన్న పాలమూరుకు నీళ్లు రావు.. ఆంధ్రాకు ఎందుకు పోతున్నాయ‌ని నిల‌దీశారు. బియ్యం, కూరగాయల ధరలు పెరుగుతుంటే ఇప్పుడు మూసీ సుందరీకరణ ప‌నులు చేప‌ట్ట‌డంలో అర్థం లేద‌న్నారు. కరువు సహాయక చర్యలు తీసుకోవ‌డంలో ప్ర‌భుత్వం విఫ‌ల‌మైంద‌ని ఆరోపించారు. కరువు సాయం కేంద్రం ఇచ్చినాక నువ్వెందుకు? అని మండిప‌డ్డారు. రేవంత్ రెడ్డికి కమీషన్ల మీద యావ తప్ప, రైతుల మీద ప్రేమ లేద‌న్నారు.

Comments (0)

User