NTR | ఎన్టీఆర్ ఫ్యాన్స్కు డబుల్ ధమాకా.. ఒకేసారి రెండు సినిమాలు చేయనున్న తారక్?

NTR | మ్యాన్ ఆఫ్ మాసెస్ జూనియర్ ఎన్టీఆర్ ప్రస్తుతం వరుస భారీ ప్రాజెక్టులతో బిజీగా ఉన్నారు. ఇప్పటికే ప్రశాంత్ నీల్ దర్శకత్వంలో తెరకెక్కుతున్న ‘డ్రాగన్’ సినిమాతో అభిమానుల్లో భారీ అంచనాలు పెంచిన తారక్.. ఈ సినిమా తర్వాత దర్శకుడు త్రివిక్రమ్ శ్రీనివాస్తో మరో క్రేజీ ప్రాజెక్ట్ చేయడానికి సిద్ధమవుతున్నారు. ‘గాడ్ ఆఫ్ వార్’ అనే ప్రచారంలో ఉన్న ఈ సినిమా జూలై నుంచి సెట్స్పైకి వెళ్లనున్నట్లు సమాచారం. అయితే ఈ రెండు సినిమాల మధ్య దర్శకుడు అనిల్ రావిపూడితో ఎన్టీఆర్ ప్రకటించిన మరో సర్ప్రైజ్ ప్రాజెక్ట్ ఎప్పుడు ప్రారంభమవుతుందనే ఆసక్తి ఇప్పుడు అభిమానుల్లో నెలకొంది.
ప్రస్తుతం ఎన్టీఆర్, దర్శకుడు ప్రశాంత్ నీల్ కాంబినేషన్లో రూపొందుతున్న ‘డ్రాగన్’ చిత్రంపై భారీ అంచనాలు ఉన్నాయి. ఈ సినిమా కోసం తారక్ అభిమానులు ఎంతో ఆసక్తిగా ఎదురుచూస్తున్నారు. ప్రశాంత్ నీల్ తనదైన స్టైల్లో భారీ యాక్షన్ ఎంటర్టైనర్గా ఈ చిత్రాన్ని తెరకెక్కిస్తున్నట్లు ప్రచారం జరుగుతోంది.ఈ సినిమా పూర్తయిన తర్వాత ఎన్టీఆర్ దర్శకుడు త్రివిక్రమ్తో చేతులు కలపనున్నారు. వీరిద్దరి కాంబినేషన్లో రాబోతున్న సినిమాకు ‘గాడ్ ఆఫ్ వార్’ అనే టైటిల్ ప్రచారంలో ఉంది. ఈ ప్రాజెక్టును జూలై నుంచి ప్రారంభించనున్నట్లు ఇప్పటికే సమాచారం బయటకు వచ్చింది. అయితే ఈ సినిమా కథా నేపథ్యం, షూటింగ్ షెడ్యూల్స్, ఇతర నటీనటుల వివరాలపై మరింత స్పష్టత రావాల్సి ఉంది.
ఇదిలా ఉంటే ఎన్టీఆర్, అనిల్ రావిపూడి కాంబినేషన్లో సినిమా ఉంటుందని ప్రకటించడంతో అభిమానుల్లో మరో స్థాయిలో ఆసక్తి మొదలైంది. ఇప్పటివరకు మాస్, కామెడీ, ఫ్యామిలీ ఎంటర్టైనర్లతో ప్రేక్షకులను అలరించిన అనిల్ రావిపూడి.. ఎన్టీఆర్తో ఎలాంటి సినిమా చేయబోతున్నారనేది ఆసక్తికరంగా మారింది. ఒకవేళ ఈ ప్రాజెక్ట్ త్వరగా ప్రారంభమైతే వచ్చే ఏడాదిలోనే షూటింగ్ మొదలయ్యే అవకాశాలున్నాయని అభిమానులు భావిస్తున్నారు. అయితే దీనిపై ఇప్పటివరకు అధికారిక షెడ్యూల్ ప్రకటించలేదు. ఇక్కడే అసలు ఆసక్తికరమైన విషయం వెలుగులోకి వచ్చింది. త్రివిక్రమ్తో చేయబోయే ‘గాడ్ ఆఫ్ వార్’ భారీ ప్రాజెక్ట్ కావడంతో దాని షూటింగ్కు ఎక్కువ సమయం పట్టే అవకాశం ఉంది. ఈ గ్యాప్లో అనిల్ రావిపూడితో ఓ క్విక్ ప్రాజెక్ట్ చేస్తే అభిమానులకు వరుసగా సినిమాలు చూసే అవకాశం లభిస్తుంది.అంతేకాదు, రెండు సినిమాల షూటింగులను వేర్వేరు షెడ్యూల్స్లో నిర్వహించేలా ప్లాన్ చేస్తే ఒకేసారి రెండు ప్రాజెక్టులను ముందుకు తీసుకెళ్లడం కూడా సాధ్యమేనని సినీ వర్గాల్లో చర్చ జరుగుతోంది. అయితే ఎన్టీఆర్ రెండు సినిమాల షూటింగులను సమాంతరంగా చేస్తారా? లేక ఒక సినిమా పూర్తయిన తర్వాత మరో సినిమాను ప్రారంభిస్తారా? అనేది ఇంకా తెలియాల్సి ఉంది.
Comments (0)