Karoline Leavitt | ‘పెళ్లిళ్లు చేసుకుని ఎక్కువ మంది పిల్లలను కనండి’.. అమెరికా యువతకు కరోలిన్ లీవిట్ పిలుపు..!

Karoline Leavitt : రానున్న పదేళ్లలో ప్రపంచంలో అతిపెద్ద మతంగా ఇస్లాం అవతరించనుందని ఇటీవల వచ్చిన ఓ నివేదికపై వైట్హౌస్ (White House) మాజీ ప్రెస్ సెక్రటరీ (Ex Press Secretary) కరోలిన్ లీవిట్ (Karoline Leavitt) స్పందించారు. ఈ నివేదిక నేపథ్యంలో క్రిస్టియన్ జనాభా పెరుగుదలకు సంబంధించి ఆమె ఆసక్తికర వ్యాఖ్యలు చేశారు. పెళ్లిళ్లు చేసుకొని ఎక్కువ మంది పిల్లలను కనాలని అమెరికా యువత (American Youth) కు పిలుపునిచ్చారు.
క్రైస్తవాన్ని అధిగమించి 2035 కల్లా ప్రపంచంలో అతిపెద్ద మతంగా ఇస్లాం అవతరించనుందని ‘ఫ్యూ రిసెర్చ్ సెంటర్ (Pew Research Center)’ అంచనా వేసింది. ఇస్లాం, క్రైస్తవం రెండు మతాల్లో జనాభా పెరుగుతున్నప్పటికీ ముస్లింల జనాభా చాలా వేగంగా పెరుగుతున్నదని ఆమె చెప్పారు. దీనికి సంబంధించి వాషింగ్టన్ పోస్ట్లో వచ్చిన కథానాన్ని లీవిట్ ప్రస్తావించారు. ఎక్కువ మంది పిల్లలను కనాలని అమెరికా యువతను కోరారు. పిల్లలకు అమెరికాపట్ల ప్రేమను పెంపొందించాలని సూచించారు.
కాగా, కరోలిన్ లీవిట్ వ్యాఖ్యలపై సోషల్ మీడియాలో మిశ్రమ స్పందన వస్తున్నది. కొందరు నెటిజన్లు ఆమె అభిప్రాయంతో ఏకీభవిస్తున్నారు. మరికొందరు సోషల్ మీడియా యూజర్లు మాత్రం అమెరికాలో పెరుగుతున్న జీవనవ్యయం వల్ల యువ కుటుంబాలు ఆర్థిక ఒత్తిళ్లను ఎదుర్కొంటున్నాయని కామెంట్ చేశారు. పిల్లల పోషణ భారంగా మారిందనే పిల్లలను కనడానికి యువత భయపడుతోందని పేర్కొంటున్నారు.
Comments (0)