Kamal Haasan| సేయాన్లో విరుమాండి గెటప్.. అతిథి పాత్రలో కనిపించనున్న కమల్హాసన్..!

అగ్ర కథానాయకుడు కమల్హాసన్ ప్రస్తుతం సండియర్, ఇండియన్-3తో పాటు రజనీకాంత్తో కలిసి నటిస్తున్న మల్టీస్టారర్ చిత్రాలతో బిజీగా ఉన్నారు. మరోవైపు నిర్మాతగా కూడా భారీ ప్రాజెక్ట్లను చేపడుతున్నారు. శివకార్తికేయన్ హీరోగా నటిస్తున్న ‘సేయాన్’ చిత్రానికి ఆయన సహనిర్మాతగా వ్యవహరిస్తున్నారు. తాజా సమాచారం ప్రకారం ఈ సినిమాలో కమల్హాసన్ కీలకమైన అతిథి పాత్రలో కనిపించనున్నారని తెలిసింది. విశేషమేమిటంటే..2004లో వచ్చిన తన కల్ట్క్లాసిస్ చిత్రం ‘విరుమాండి’లోని ఐకానిక్ గెటప్లో ఆయన దర్శనమివ్వనున్నారని సమాచారం.
సినిమా పతాకఘట్టాల్లో కమల్హాసన్ ఎంట్రీ ఉంటుందట. ఇందుకోసం ఆయన ‘విరుమాండి’లోని లుక్ని రీక్రియేట్ చేయనున్నారని తెలిసింది. ఈ సినిమా కథాపరంగా మురుగన్, విరుమాండి అనే దైవిక పాత్రల చుట్టూ నడుస్తుందని చెబుతున్నారు. ఇందులో శివకార్తికేయన్ మురుగన్ పాత్రలో, కమల్హాసన్ విరుమాండిగా కనిపించే అవకాశం ఉందని ప్రచారం జరుగుతున్నది. ఒకవేళ ఈ వార్తలు నిజమైతే సినిమాలో విరుమాండి గెటప్ ప్రత్యేకాకర్షణగా నిలుస్తుందని అభిమానులు భావిస్తున్నారు. శివకుమార్ మురుగేశన్ దర్శకత్వం వహిస్తున్న ఈ సినిమా చిత్రీకరణ దశలో ఉంది.
Comments (0)