Jagapathi Babu | “ఎవ్వరూ నా మొహం పగలగొట్టలేదు”.. ముఖంపై గాయాలపై జగపతి బాబు క్లారిటీ

Jagapathi Babu | టాలీవుడ్ సీనియర్ నటుడు జగపతి బాబు సోషల్ మీడియాలో ఎంత యాక్టివ్‌గా ఉంటారో ప్రత్యేకంగా చెప్పాల్సిన అవసరం లేదు. సినిమాలతో ఎంత బిజీగా ఉన్నా, అభిమానులతో టచ్‌లో ఉండేందుకు తరచూ ఇన్‌స్టాగ్రామ్, ఎక్స్ వంటి సోషల్ మీడియా వేదికల్లో ఆసక్తికర పోస్టులు, వీడియోలు పంచుకుంటుంటారు. ముఖ్యంగా తనదైన హాస్య శైలిలో పెట్టే క్యాప్షన్లు, తనపై తానే వేసుకునే సెటైర్లు, సరదా కామెంట్లు నెటిజన్లను ఆకట్టుకుంటుంటాయి. తాజాగా జగపతి బాబు షేర్ చేసిన ఓ వీడియో ఇప్పుడు సోషల్ మీడియాలో వైరల్‌గా మారింది. అయితే ఈసారి ఆయన చెప్పిన వంటకం కంటే, ఆయన ముఖంపై కనిపించిన గాయాలే అభిమానుల్లో ఎక్కువ చర్చకు కారణమయ్యాయి.

ఇటీవల జగపతి బాబు తన సోషల్ మీడియా ఖాతాలో చాక్లెట్ చిప్ కుకీ తయారీకి సంబంధించిన వీడియోను పోస్ట్ చేశారు. ఈ రెసిపీని తన పెద్ద కుమార్తె నుంచి నేర్చుకున్నానని సరదాగా చెబుతూ వీడియోను ప్రారంభించారు. తనదైన స్టైల్లో నవ్వులు పంచుతూ కుకీ తయారీని వివరించారు.అయితే వీడియోలో ఆయన ముఖంపై కొన్ని గాయాల మచ్చలు కనిపించడంతో అభిమానులు ఒక్కసారిగా ఆందోళనకు గురయ్యారు. దీంతో కామెంట్స్‌లో ఇదే ప్రశ్నలు వస్తాయని ముందే ఊహించిన జగపతి బాబు, వీడియో ప్రారంభంలోనే దానిపై క్లారిటీ ఇచ్చేశారు.ఎవడో నా మొహం పగలగొట్టినట్లు ఉందా? ఎవరూ నా మొహం పగలగొట్టలేదు. నేనే సర్జరీ చేయించుకున్నాను. ఇప్పుడు బాగానే ఉన్నాను అని చిరునవ్వుతో చెప్పారు.

అయితే ఎలాంటి సర్జరీ చేయించుకున్నారు? ఎందుకు చేయించుకోవాల్సి వచ్చింది? అనే విషయాలను మాత్రం ఆయన వెల్లడించలేదు. జగపతి బాబు వీడియో చూసిన అభిమానులు, సినీ ప్రముఖులు ఆయన త్వరగా పూర్తిగా కోలుకోవాలని కోరుకుంటున్నారు. “ఏం జరిగింది సర్?”, “ఇప్పుడు ఆరోగ్యం ఎలా ఉంది?”, “త్వరగా కోలుకోండి” అంటూ సోషల్ మీడియాలో పెద్ద ఎత్తున కామెంట్లు చేస్తున్నారు.మరికొందరు మాత్రం ఆయన ఎప్పటిలాగే సరదాగా స్పందించిన తీరు చూసి ప్రశంసలు కురిపిస్తున్నారు. చిన్న విషయాన్నే హాస్యంగా మార్చి అభిమానుల్లో ఆందోళన తగ్గించే ప్రయత్నం చేశారని అంటున్నారు.

Malli malli cheputhunna, idhi kooda ma pedda ammayi cheppinattu copy paste cheseysa pic.twitter.com/gVmgCQxQ6D

— Jaggu Bhai (@IamJagguBhai) July 29, 2026