Hyderabad Students | సిమ్ లేదు.. నెట్వర్క్ అక్కర్లేదు.. సైనికుల కోసం బిట్స్ హైదరాబాద్ విద్యార్థుల అద్భుత ఆవిష్కరణ

Hyderabad Students | హైదరాబాద్, నవంబర్ 20 (నమస్తే తెలంగాణ) : సైనికుల మొబైల్ నెట్వర్క్ కష్టాలకు చెక్పెడుతూ ఓ ఇద్దరు యువ విద్యార్థులు సరికొత్త పరికరాన్ని ఆవిష్కరించారు. సిమ్కార్డు, మొబైల్ నెట్వర్క్, శాటిలైట్ల అవసరం లేకుండా సైనికుల మధ్య సమాచార మార్పిడికి ఉపయోగపడే సాంకేతికతను అభివృద్ధి చేశారు. సైనికుల మధ్య సమాచారాన్ని సురక్షితంగా చేరవేసే పాకెట్ టాక్టికల్ రేడియోను హైదరాబాద్ బిట్స్ క్యాంపస్కు చెందిన యువ విద్యార్థులు రూపొందించారు.
సమర్థ్ అలోక్ శ్రీవాస్తవ, శ్రేష్ట్ ప్రకాశ్ సింగ్ ‘క్రాత్ కంట్రోల్’ పేరు గల ఈ పరికరాన్ని అభివృద్ధి చేశారు. వాయిస్ మెసెజ్లు, డాటా, లైవ్ లొకేషన్ వంటి సమాచారాన్ని పరస్పరం మార్పిడి చేసేలా ఈ పరికరాలు రూపొందించారు. ఈ పరికరం బరువు 180 గ్రాములు మాత్రమే. ఇది 100 కి.మీ మేర పనిచేస్తుందని వారు తెలిపారు. రూ.2లక్షల విలువగల ఇలాంటి ఉపకరణాలను మన సైన్యం అమెరికా నుంచి దిగుమతి చేసుకుంటున్నది. ఈ క్రాత్ కంట్రోల్ను రూ. 40వేలకే అందించగలమని ఆవిష్కర్తలు చెబుతున్నారు. సైనిక అధికారులు సమర్థ్, శ్రేష్ట్ ప్రకాశ్ చొరవను అభినందించారు. కొన్ని సూచనలు చేసి.. ఈ పరికరాన్ని అప్గ్రేడ్ చేయాలని సూచించారు.
Comments (0)