Fishermen’s Protest | మంత్రులు జూపల్లి, వాకిటి శ్రీహరికి మత్స్యకారుల నిరసన సెగ

నాగర్ కర్నూల్ : జిల్లాలోని కొల్లాపూర్లో ఇద్దరు మంత్రులకు మత్స్యకారుల నుంచి నిరసన ( Fishermen’s Protest ) ఎదురైంది. దీంతో సభలో తీవ్ర గందరగోళ పరిస్థితులు ఏర్పడ్డాయి. ప్రపంచ మత్స్యకార దినోత్సవం సందర్భంగా శనివారం కొల్లాపూర్ మండలం కల్వకోల్ గ్రామంలో మత్స్యకారులతో ప్రత్యేక సమావేశాన్ని నిర్వహించారు.ఈ సభకు మంత్రులు జూపల్లి కృష్ణారావు ( Krishna Rao ), వాకిటి శ్రీహరి ( Vakiti Srihari) , కాంగ్రెస్ నాయకులు, జిల్లా అధికారులు హాజరయ్యారు. మంత్రులు సభా వేదికపైకి చేరగానే తీవ్ర గందరగోళం ఏర్పడింది.

మత్స్యకారులను రెండు వర్గాలుగా విడదీసి వేడుకలు నిర్వహిస్తారా అంటూ మంత్రి జూపల్లిని మత్స్యకారులు నిలదీశారు. ఈ సందర్భంగా మంత్రి జూపల్లికి వ్యతిరేకంగా నినాదాలు చేస్తూ కుర్చీలు పడేసి ,సభ నుంచి వెళ్లిపోయారు. వెళ్లిపోతున్న మత్స్యకారులను అడ్డుకునేందుకు పోలీసుల ప్రయత్నాలను పట్టించుకోకుండా తిరిగి వెళ్లిపోయారు. దీంతో కాంగ్రెస్ నాయకులు కంగుతిన్నారు.
Comments (0)