Fire accidents | పండుగ పూట హైదరాబాద్‌లో వరుస అగ్ని ప్రమాదాలు..! భ‌యాందోళ‌న‌లో జ‌నం : వీడియో

Fire accidents | దీపావళి పండుగ(,Diwali festival) వేళ హైదరాబాద్‌లోని(Hyderabad)పలు ప్రాంతాల్లో అగ్నిప్రమాదాలు(Fire accidents) ప్ర‌జ‌ల‌ను కంటిమీద కునుకు చేలుకుండా చేశాయి. అస‌లే ప‌టాకుల మోత‌తో హోరెత్తిపోతుంటే మ‌రోవైపు ఎప్పుడు ఎలాంటి అగ్ని ప్ర‌మాదం సంభ‌విస్తుందోన‌ని ప్ర‌జ‌లు భ‌యంతో వ‌ణికిపోయారు.ఈ ప్రమాదాల కారణంగా ప్రాణ నష్టం లేకపోయినప్పటికీ రూ.లక్షల్లో ఆస్తి నష్టం జరిగిందని బాధితులు వాపోతున్నారు. బేగంబజార్‌, కూకట్‌పల్లి, జీడిమెట్ల, మైలార్‌దేవ్‌పల్లి ప్రాంతాల్లో ఈ ప్రమాదాలు జరిగాయి. సికింద్రాబాద్ ప‌రిధిలోని సీతాఫల్‌మండిలో దీపావ‌ళికి అంటించిన ఓ రాకెట్ బాణసంచా దుకాణంలోకి దూసుకెళ్లింది. దీంతో ఒక్కసారిగా షాపులోని క్రాకర్స్ అన్నీ పేలి, మంటలు భారీగా ఎగసిపడ్డాయి. మంట‌లు రావ‌డంతో జ‌నాలు, వాహ‌నాలు భ‌యంతో ప‌రుగులు పెట్టారు. స‌మాచార‌మందుకున్న అగ్నిమాప‌క సిబ్బంది ఫైరింజ‌న్ల సాయంతో మంట‌ల‌ను అదుపులోకి తీసుకువ‌చ్చారు.

కాటేదాన్‌లో ఓ పరిశ్రమలో అగ్నిప్రమాదం జ‌రిగింది. క్షణాల్లో పక్కనే ఉన్న ప్లైవుడ్ పరిశ్రమకు మంటలు వ్యాపించాయి. దట్టంగా వ్యాపించిన నల్లటి పొగతో స్థానికులు ఉక్కిరిబిక్కిరి అయ్యారు. ఒక్కసారిగా భయభ్రాంతులకు గురై ఇళ్లల్లో నుంచి బయటికి పరుగులు తీశారు. హుటాహుటిన ఘటనాస్థలానికి చేరుకున్న అగ్నిమాపక సిబ్బంది, స్థానిక పోలీసులు ఫైర్ ఇంజన్ల సహాయంతో మంటలు ఆర్పారు. భారీగా ఆస్తి నష్టం జ‌రుగా పరిశ్రమలకు ఎలాంటి అనుమతులు లేవని అధికారులు తెలిపారు. అలాగే కూకట్‌పల్లిలోని ఆస్బెస్టాస్‌ కాలనీలో భారీ అగ్నిప్రమాదం చోటుచేసుకుంది. పేపర్‌ టీ కప్పులు, ప్లేట్స్‌ తయారీ కంపెనీలో సోమవారం తెల్లవారుజామున మంటలు చెలరేగాయి. దీంతో నెయ్యి, కుర్‌కురే, హల్దీరామ్‌ స్టాక్‌ గోదాములకు మంటలు వ్యాపించాయి. అగ్నిమాప‌క సిబ్బంది మంట‌ల‌ను ఆర్పివేశారు.

కాటేదాన్‌లో ఓ పరిశ్రమలో అగ్నిప్రమాదం

క్షణాల్లో పక్కనే ఉన్న ప్లైవుడ్ పరిశ్రమకు వ్యాపించిన మంటలు

ఎగిసిపడుతున్న మంటలు.. దట్టంగా వ్యాపించిన నల్లటి పొగ

ఉక్కిరిబిక్కిరి అయిన స్థానికులు

ఒక్కసారిగా భయభ్రాంతులకు గురై ఇళ్లల్లో నుంచి బయటికి పరుగులు తీసిన స్థానికులు

హుటాహుటిన ఘటనాస్థలానికి చేరుకున్న అగ్నిమాపక సిబ్బంది, స్థానిక పోలీసులు

3 ఫైర్ ఇంజన్ల సహాయంతో మంటలు ఆర్పే ప్రయత్నం

భారీగా ఆస్తి నష్టం.. పరిశ్రమలకు ఎలాంటి అనుమతులు లేవని గుర్తించిన అధికారులు

— Telugu Scribe (@TeluguScribe) November 8, 2026

క్రాకర్స్ షాపులోకి దూసుకెళ్లిన రాకెట్.. భారీ అగ్నిప్రమాదం

సికింద్రాబాద్ సీతాఫల్‌మండిలోని బాణసంచా దుకాణంలోకి రాకెట్ దూసుకెళ్లడంతో షాపులోని క్రాకర్స్ అన్నీ పేలి, ఎగసిపడ్డ మంటలు

ఘటనా స్థలానికి చేరుకుని మంటలను అదుపు చేసిన అగ్నిమాపక సిబ్బంది https://t.co/EIp1Pu6AmN

— Telugu Scribe (@TeluguScribe) November 8, 2026