CNG Gas leak | కోనసీమ జిల్లాలో సీఎన్‌జీ గ్యాస్ లీక్..సమీప ప్రజలను ఖాళీ చేయించిన అధికారులు

17 November 2026 - 17:30
0 0
CNG Gas leak | కోనసీమ జిల్లాలో సీఎన్‌జీ గ్యాస్ లీక్..సమీప ప్రజలను ఖాళీ చేయించిన అధికారులు
Konaseema Blow Out

అమరావతి : ఏపీలోని అంబేడ్కర్ కోనసీమ (Konaseema )  జిల్లా మామిడికుదురు మండలం నగరం గ్రామంలోని తాడివారి మెరక వద్ద సీఎన్‌జీ మంగళవారం తెల్లవారుజామున గ్యాస్ లీక్ (CNG gas leak)  అయింది.దీంతో ముందుజాగ్రత్తగా కిలో మీటర్‌ పరిధిలోని రెండు వందల కుటుంబాలను అక్కడి నుంచి సురక్షిత ప్రాంతాలకు తరలించారు.

మూసివేసిన ఓఎన్జీసీ రీ డ్రిల్లింగ్ పాయింట్ నుంచి రీ డ్రిల్లింగ్ చేస్తుండగా భారీ శబ్దంతో గ్యాస్ వెలువడింది. దీనితో పాటు భారీ శబ్దాలు వచ్చాయి. సమాచారం అందగానే సంఘటనా స్థలానికి చేరుకుని ఓఎన్జీసీ నిపుణులు చర్యలు చేపట్టారు.గ్యాస్‌ చుట్టుపక్కల గ్రామాలకు విస్తరిస్తుండడంతో స్థానికులు ఆందోళనకు గురువుతున్నారు. జిల్లా కలెక్టర్‌ మహేశ్‌కుమార్‌, ఎస్పీ రాహుల్‌ మీనా ఘటనా, సంబంధిత ఉన్నతాధికారులు ఘటనాస్థలికి చేరుకుని పరిస్థితిని సమీక్షించారు.

బావి వద్ద మంటలు వ్యాపించకుండా ఫైర్‌ సిబ్బంది యత్నిస్తున్నారు. గ్యాస్‌ బ్లోఅవుట్‌ చుట్టూ మంటలు వ్యాపించకుండా వాటర్‌ అంబ్రెల్లా ఏర్పాటు చేశారు. గ్యాస్‌ లీకేజీ ఘటనపై ముఖ్యమంత్రి చంద్రబాబు, హోం మంత్రి అనిత, మంత్రి అచ్చెన్ననాయుడు స్పందించారు. యుద్ధప్రాతిపదికన నివారణ చర్యలు చేపట్టాలని అధికారులను ఆదేశించారు.కొన్ని అనుభవం లేని కంపెనీలకు ఓఎన్‌జీసీ పనులు అప్పగించడం వల్లే ఇలాంటి ఘటనలు చోటు చేసుకుంటున్నాయని ఎమ్మెల్యే సత్యనారాయణ మండిపడ్డారు.

Comments (0)

User