Baljor Singh | కుమార్తెకు భారం కావద్ద‌ని బ‌తికుండ‌గానే క‌ర్మ‌కాండ‌లు చేసుకున్న వృద్ధుడు..!

16 November 2026 - 23:30
0 0
Baljor Singh | కుమార్తెకు భారం కావద్ద‌ని బ‌తికుండ‌గానే క‌ర్మ‌కాండ‌లు చేసుకున్న వృద్ధుడు..!
Uttarpradesh Baljor Singh

Baljor Singh : సాధార‌ణంగా మ‌నిషి మ‌ర‌ణించిన‌ ప‌దో రోజున అత‌డు లేదా ఆమె సంతానం క‌ర్మ‌కాండ‌లు జ‌రిపిస్తారు. కానీ ఓ 80 ఏళ్ల వృద్ధుడు మాత్రం బతికుండగానే త‌న క‌ర్మ‌కాండ‌ల‌ను తానే జ‌రుపుకున్నాడు. అదీ సాదాసీదాగా కాదు, ఏకంగా 900 మంది బంధుమిత్రుల‌ను పిలిచి ఆడంబ‌రంగా క‌ర్మకాండ‌లు చేసుకున్నాడు. ఉత్త‌ర్‌ప్ర‌దేశ్ (Uttarpradesh) రాష్ట్రంలో ఈ అనూహ్య ఘ‌ట‌న చోటుచేసుకుంది.

వివ‌రాల్లోకి వెళ్తే.. ఉత్త‌ర‌ప్ర‌దేశ్ రాష్ట్రం బాగ్‌పత్‌ జిల్లా జోహ్రి ప్రాంతానికి చెందిన 80 ఏళ్ల బ‌ల్జోర్ సింగ్‌కు కొడుకులు లేరు. ఒక్క‌తే కూతురు పింకీ ఉంది. పింకీకి ఇద్ద‌రు కొడుకులు, ఒక బిడ్డ ఉన్నారు. ఆమె క‌ష్ట‌ప‌డి త‌న పిల్ల‌ల‌ను పోషించుకుంటున్న‌ది. ఈ క్ర‌మంలో కూతురికు ఉన్న బాధ్యతలతోపాటు తాను కూడా ఓ బ‌రువు కాకూడదని బ‌ల్జోర్ సింగ్ భావించాడు. అందుకే బ‌తికుండ‌గానే త‌న సొంత ఖ‌ర్చుతో క‌ర్మ‌కాండ‌లు చేసుకుంటే కూతురుకు ఖ‌ర్చు త‌ప్పుతుంద‌నే నిర్ణ‌యానికి వ‌చ్చాడు.

నిర్ణ‌యం తీసుకునుడే ఆల‌స్యం త‌న క‌ర్మ‌కాండ‌ల‌కు ముహూర్తం ఖ‌రారు చేశాడు. బంధుమిత్రుల‌ను పిలిచి క‌ర్మ‌కాండ‌లు జ‌రుపుకున్నాడు. దాదాపు 900 మందికిపైగా ఈ కార్య‌క్ర‌మానికి హాజ‌ర‌య్యారు. మ‌ర‌ణానంత‌రం తాను త‌న కూతురుకు భారం కాకూడ‌ద‌నే ఈ నిర్ణ‌యం తీసుకున్నాన‌ని క‌ర్మ‌కాండ‌ల అనంత‌రం బ‌ల్జోర్ సింగ్ అన్నారు.

Comments (0)

User