80వ స్వాతంత్య్ర దినోత్సవ వేడుకలు.. అర్ధరాత్రే ఎందుకు ప్రకటించారు?

భారతదేశానికి స్వాతంత్ర్యం వచ్చి 80 వసంతాలు. ఆగస్టు 14వ తేదీ అర్ధరాత్రి సరిగ్గా 12 గంటలకు స్వాతంత్ర్యాన్ని ప్రకటించారు. అది బ్రిటీష్ వారి సమయం ప్రకారం అలా ప్రకటించి ఉంటారనుకుంటే పొరపాటే. వందల ఏళ్లపాటు బ్రిటీష్ వారి ఆక్రమణల్లో బానిసలైన భారతీయులకు స్వాతంత్ర్యాన్ని అర్ధరాత్రి ప్రకటించడం వెనుక మన సంప్రదాయం, మన నమ్మకాలే కారణం. దీనివెనుక పెద్ద జ్యోతిష్య వివాదం ఉందన్నది అక్షర సత్యమని చరిత్ర చెబుతోంది.

 ఆనాడు ఉన్న నక్షత్రాల కలయికను బట్టి ఆగస్టు 15 అంత శుభకరమైన రోజు కాదని సిద్ధాంతులు హెచ్చరించడంతో.. దానిని చక్కదిద్దేందుకే ఎంతో ఆలోచించి అర్ధరాత్రి స్వాతంత్ర్యాన్ని ప్రకటించేలా ప్లాన్ చేశారు. అలా భారతదేశానికి అర్ధరాత్రి స్వాతంత్ర్యం వచ్చింది.

హఠాత్ ప్రకటనతో అభ్యంతరం..

నిజానికి బ్రిటీషర్లు 1948 జూన్ నాటికి అధికారాన్ని తిరిగి బదిలీ చేస్తామన్నారు. కానీ.. 1947 జూన్ 3వ తేదీన భారత్ - పాకిస్థాన్ ల విభజన ప్రణాళికను ప్రకటించారు. ఆ మరునాడే వైస్రాయ్ లార్డ్ మౌంట్ బాటన్ ప్రెస్ మీట్ పెట్టి.. తమ పాతనిర్ణయాన్ని మార్చుకుని 1947 ఆగస్టు 15నే స్వాతంత్ర్యాన్ని ఇస్తున్నట్లు హఠాత్ ప్రకటన చేశారు. ఇందుకు కారణం రెండో ప్రపంచ యుద్ధంలో జపాన్ అదే తేదీన శరణు కోరణం.. 1947 నాటికి అలా శరణు వేడుకుని రెండు సంవత్సరాలు పూర్తికావస్తుండటమే.

అప్పట్లో ఇంత ఫాస్ట్ నెట్వర్క్ లేదు. ఈ వార్త రేడియోలా రావడం ఆలస్యం.. కలకత్తా, వారణాసి, దక్షిణాది ప్రాంతాలకు చెందిన జ్యోతిష్కులు షాకయ్యారు. 1947 ఆగస్టు 15 శుక్రవారం కావడం, ఆ సమయంలో మకరం, శని, రావు ప్రభావాలు సరిగ్గా లేకపోవడంతో నవభారతం ఆవిర్భావానికి శుభశూచకం కాదని పేర్కొన్నట్లుగా ఫ్రీడమ్ ఎట్ మిడ్ నైట్ బుక్ రైటర్లైన డొమినిక్ లాపియర్, లారీ కొలిన్స్ రాశారు.

జవహర్ లాల్ నెహ్రూ ప్రణాళికతోనే..

ఈ విషయాన్ని మనసులో పెట్టుకున్న జవహర్ లాల్ నెహ్రూ.. అర్ధరాత్రివరకూ రాజ్యాంగ సభ కొనసాగేలా ప్రణాళిక వేశారు. సరిగ్గా 12 గంటలు కాగానే.. భారత్ స్వతంత్ర దేశంగా ఆవిర్భవిస్తూ.. సరికొత్త అధ్యాయంలోకి అడుగుపెట్టింది. అలా ప్రపంచమంతా నిద్రిస్తున్న వేళ భారత్ స్వేచ్ఛలోకి మేల్కొంటుంది అని నెహ్రూ దేశానికి కొత్తదిశను చూపించారు. అర్ధరాత్రి స్వేచ్ఛా భారతం వికసించింది.

ససేమిరా కుదరదన్న మౌంట్ బాటన్

దీంతో సిద్ధాంతులు మౌంట్ బాటన్ కు.. స్వాతంత్ర్య దినోత్సవ తేదీని మార్చాలని కోరుతూ లేఖ రాశారు. వరదలు, కరవు, హింస వంటి విపత్తులు వచ్చే అవకాశం ఉందని తెలిపారు. అయినా సరే తేదీని మార్చడం కుదరదని కరాకండిగా చెప్పడంతో.. ఏం చేయాలా అని జ్యోతిష్యులంతా ఆలోచనలో పడ్డారు. అప్పటికే స్వాతంత్ర్య సంబరాలకు ఏర్పాటు జరుగుతుండటంతో.. తేదీని మార్చడం అంత సులభం కాదనుకున్నారు.

 జ్యోతిష్యశాస్త్రం ప్రకారం ఆగస్టు 15న ఏ సమయం మంచిదో లెక్కించడం మొదలుపెట్టారు. అభిజిత్ ముూర్తం, పుష్య నక్షత్రం వంటి అంశాలపై చర్చించి.. సరిగ్గా అర్ధరాత్రి 12 గంటలకు సమయం బాగున్నట్లు తేల్చారని పుస్తకంలో రాశారు. పాశ్చాత్య సంస్కృతి ప్రకారం అర్ధరాత్రి 12 గంటలైతే తేదీ కూడా మారుతుంది.

మరిన్ని వార్తా విశేషాల కోసం, ఇప్పుడే యాప్‌ను డౌన్‌లోడ్ చేసుకోండి..!

Link: 

https://play.google.com/store/apps/details?id=co.median.android.wwxqaw