సిరిపురం పాల సొసైటీ బీఆర్‌ఎస్‌ కైవసం

16 November 2026 - 09:00
0 0
సిరిపురం పాల సొసైటీ బీఆర్‌ఎస్‌ కైవసం
01
  • అధ్యక్షుడిగా బస్వగాని మహేందర్‌గౌడ్‌

లింగాలఘనపురం, నవంబర్‌ 15 : జనగామ జిల్లా లింగాలఘనపురం మండలం కళ్లెంలో ఇటీవల విజయ డెయిరీలో అధ్యక్షుడితోపాటు తొమ్మిది మంది డైరెక్టర్లను గెలిపించిన పాడి రైతులు.. మరోమారు తాము కేసీఆర్‌వెంటే ఉంటామంటూ విలక్షణ తీర్పునిచ్చారు. సిరిపురం విజయ పాల ఉత్పత్తి సహకార సంఘం పాల సొసైటీకి ఆదివారం జరిగిన ఎన్నికల్లో బీఆర్‌ఎస్‌ అభ్యర్థికి రైతులు పట్టంకట్టారు. మొదట అధ్యక్షుడి ఎన్నికలో బీఆర్‌ఎస్‌ బలపరిచిన అభ్యర్థి బస్వగాని మహేందర్‌గౌడ్‌ ఏకగ్రీవంగా ఎన్నికయ్యారు.

ఆ తర్వాత జరిగిన ఓటింగ్‌లో బీఆర్‌ఎస్‌ బలపరిచిన అభ్యర్థులు బసవగాని రాములు, కళ్లెం పారిజాతం, గండి విజయ, రాఘవరెడ్డితోపాటు మరో నలుగురు కాంగ్రెస్‌కు చెందినవారు డైరెక్టర్లుగా ఎన్నికయ్యారు. ఈ సందర్భంగా బీఆర్‌ఎస్‌ మండల మాజీ అధ్యక్షుడు బస్వగాని శ్రీనివాస్‌గౌడ్‌, విజయ డెయిరీ అధ్యక్షుడు బస్వగాని మహేందర్‌గౌడ్‌ మాట్లాడుతూ.. రాష్ట్రంలో కాంగ్రెస్‌ ప్రభుత్వానికి చరమ గీతం పాడేందుకు రైతులు సిద్ధంగా ఉన్నారని చెప్పారు. ఇప్పటికైనా కాంగ్రెస్‌ ప్రభుత్వం బుద్ధి తెచ్చుకొని రైతాంగ వ్యతిరేక చర్యలు మానుకోవాలని సూచించారు.

Comments (0)

User