సాయి పేరెంటరల్స్ చేతికి బయాన్

హైదరాబాద్, నవంబర్ 17: సాయి పేరెంటరల్స్ లిమిటెడ్ తన పూర్తిస్థాయి అనుబంధ సంస్థ ఎస్పీ అనలిటిక్స్ ప్రైవేట్ లిమిటెడ్… హైదరాబాద్ కేంద్రస్థానంగా పనిచేస్తున్న బయాన్ థెరప్యూటిక్స్ ఇండియా ప్రైవేట్ లిమిటెడ్లో మెజారిటీ వాటా కొనుగోలుకు ఒప్పందం చేసుకున్నట్టు ప్రకటించింది. ఈ నెలాఖరులోగా పూర్తికానున్న ఈ ఒప్పందం పూర్తిగా నగదు రూపంలో జరుగనున్నదని పేర్కొంది.
ఆర్థిక వివరాలు మాత్రం వెల్లడించలేదు. ఒప్పందం పూర్తయ్యాక బయాన్.. సాయి పేరెంటరల్స్కు అనుబంధ సంస్థగా మారనున్నది. దక్షిణ, తూర్పు, ఈశాన్య భారతంలోని 12 రాష్ర్టాల్లో బయాన్ కార్యకలాపాలు నిర్వహిస్తున్నదని కంపెనీ తెలిపింది. నరాల సమస్యలు, మధుమేహ సహాయక చికిత్స, మైటోకాండ్రియల్ ఆరోగ్యం, గాయాల సంరక్షణ, నొప్పి నియంత్రణ వంటి ప్రత్యేక చికిత్స విభాగాల్లో సంస్థ ఉత్పత్తులు ఉన్నాయని సాయి పేరెంటరల్స్ సీఎండీ అనిల్ కుమార్ తెలిపారు.
Comments (0)