రేవంత్ పాలనలో పంచాయతీలు నిర్వీర్యం

- తగ్గిన నిధులు.. పడిపోయిన పంచాయతీల సగటు వ్యయం
- ఆర్బీఐ నివేదికే నిదర్శనం
- మాజీ ఎమ్మెల్సీ గంగాధర్గౌడ్
హైదరాబాద్, నవంబర్ 21 (నమస్తే తెలంగాణ): కాంగ్రెస్ పాలనలో గ్రామ పంచాయతీలు నిర్వీర్యమయ్యాయని మాజీ ఎమ్మెల్సీ వీ గంగాధర్ గౌడ్ విమర్శించారు. ప్రభుత్వం నుంచి నిధుల కేటాయింపు తగ్గిపోయిందని, గ్రామ పంచాయతీల సగటు వ్యయం దారుణంగా పడిపోయిందని పేర్కొన్నారు. ఆర్బీఐ నివేదికలే ఇందుకు నిదర్శనమని చెప్పారు. శనివారం తెలంగాణభవన్లో మీడియాతో ఆయన మాట్లాడుతూ.. కాంగ్రెస్ అధికారంలోకి రాకముందు 2023లో పంచాయతీల సగటు వ్యయం రూ.16 లక్షలు ఉండేదని, ప్రస్తుతం రూ.6 లక్షలకు పడిపోయిందని తెలిపారు.
తెలంగాణ కన్నా చిన్న రాష్ట్రం త్రిపురలో పంచాయతీ సగటు వ్య యం రూ.20 లక్షలు దాటిందని పేర్కొన్నా రు. కేసీఆర్ పాలనలో సర్ప్లస్ బడ్జెట్తో ఉన్న పల్లెసీమలు ఇప్పుడు లోటు బడ్జెట్లోకి వెళ్లడం దురదృష్టకరమని వ్యాఖ్యానించారు. ఎంపీటీసీ, జడ్పీటీసీ ఎన్నికలు నిర్వహించకపోవడంతో కేంద్ర నుంచి నిధులు రావడం లేదని స్పష్టంచేశారు. మార్చిలోగా ఎంపీటీసీ, జడ్పీటీసీ ఎన్నిక లు పెట్టకపోతే మరో రూ.500 కోట్ల కేంద్ర నిధులు మురిగిపోతాయి. మూడేండ్లలో పంచాయతీలకు రాష్ట్ర ప్రభుత్వం రూ.4 వేల కోట్ల బకాయిలు పెట్టిందని ఆరోపించారు. గ్రామాలను నిర్లక్ష్యం చేసిన ముఖ్యమంత్రి రేవంత్రెడ్డి ఫ్యూచర్సిటీ జపం చేయడం దుర్మార్గమని మండిపడ్డారు.
Comments (0)