రక్షిత సంచలనం

20 November 2026 - 05:30
0 0
రక్షిత సంచలనం
04
  • ఒలింపిక్‌ చాంప్‌ చెన్‌ యుఫీపై గెలుపు
  • సాత్విక్‌ జోడీ, సేన్‌ ముందంజ

కౌలూన్‌ (హాంకాంగ్‌): భారత యువ షట్లర్‌ రక్షితశ్రీ రామ్‌రాజ్‌ హాంకాంగ్‌ ఓపెన్‌ బ్యాడ్మింటన్‌ టోర్నీలో సంచలనం సృష్టించింది. గురువారం జరిగిన మహిళల సింగిల్స్‌ రెండో రౌండ్‌లో 19 ఏండ్ల రక్షిత 21-18, 24-22తో ఒలింపిక్‌ చాంపియన్‌, ప్రపంచ నాలుగో ర్యాంకర్‌ అయిన చెన్‌ యుఫీపై గెలిచి తన కెరీర్‌లోనే అతిపెద్ద విజయం సాధించింది. తొలిరౌండ్‌లో బ్లిచ్‌ఫీల్డ్‌ను చిత్తుచేసిన ఈ కోయంబత్తూర్‌ అమ్మాయి.. క్వార్టర్స్‌లో థాయ్‌లాండ్‌కు చెందిన చొచువాంగ్‌తో తలపడనుంది.

ఇక మెన్స్‌ సింగిల్స్‌లో ఇప్పటికే వరల్డ్‌ టూర్‌ ఫైనల్స్‌లో చోటు దక్కించుకున్న లక్ష్యసేన్‌.. 21-11, 21-18తో రస్మస్‌ గెమ్కె (డెన్మార్క్‌)ను చిత్తుచేసి క్వార్టర్‌ ఫైనల్‌కు ప్రవేశించాడు. మరో మ్యాచ్‌లో కిదాంబి శ్రీకాంత్‌ 12-21, 21-18, 21-14తో యు టే బిన్‌ (సౌత్‌కొరియా)ను ఓడించాడు. మెన్స్‌ డబుల్స్‌లో సాత్విక్‌ సాయిరాజ్‌-చిరాగ్‌ శెట్టి ద్వయం 21-19, 21-16తో అజ్రియాన్‌-కియోంగ్‌ (మలేషియా) జోడీపై గెలిచి క్వార్టర్స్‌ చేరింది. మహిళల డబుల్స్‌లో పుల్లెల గాయత్రి-ట్రీసా జాలీ జంట 20-22, 13-21తో లారెన్‌ లామ్‌-అలిసన్‌ లీ (అమెరికా) చేతిలో ఓడి ప్రిక్వార్టర్స్‌లోనే నిష్క్రమించింది.

Comments (0)

User