మాజీ డీజీపీ భూమికి ఎసరు

20 November 2026 - 05:30
0 0
మాజీ డీజీపీ భూమికి ఎసరు
Eeshkumar Ips
  • 4.27 ఎకరాల పట్టాభూమి రియల్టర్‌ పేరు పైకి!
  • సీఐడీకి ఫిర్యాదు చేసిన రిటైర్డ్‌ ఐపీఎస్‌ అధికారి
  • కేసుల భయంతో రాత్రికిరాత్రే రికార్డుల సవరణ
  • విచారణ లేకుండా సవరణ కూడా క్రిమినల్‌ చర్యే
  • స్పష్టంచేస్తున్న రెవెన్యూ, న్యాయ నిపుణులు
  • నెలలుగా ఆఫీసుల చుట్టూ తిరుగుతున్న సామాన్యులు
  • అయినా కనికరించని రెవెన్యూ శాఖ అధికారులు

హైదరాబాద్‌, నవంబర్‌ 19 (నమస్తే తెలంగాణ): పట్టా భూమిని కబ్జా చేయాలంటే కంచె తొలగించాల్సిన పనిలేదు.. ఆక్రమించాల్సిన అవసరం లేదు.. భూ రికార్డుల్లో పేరు మార్చుకుంటే చాలు! ఆ భూమి చేతికి వచ్చినట్టే. పెద్దల నుంచి ఉత్తరం, చేతిలో దక్షిణ పెడితే భూమి ఎవరిదైనా, సేల్‌డీడ్‌ డాక్యుమెంట్లు, పట్టాదారుని అనుమతి లేకుండానే యాజమాన్య హక్కులు మారిపోతున్నాయి. ఇది ఎక్కడో మారుమూల ప్రాంతం కాదు. రాజధాని శివారు జిల్లా సంగారెడ్డి కలెక్టరేట్‌, తహసీల్దార్‌ కార్యాలయాల్లో జరుగుతున్న దందా ఇది. సామాన్య రైతుల అసైన్డ్‌ భూములను కాంగ్రెస్‌ పెద్దలు కబ్జా చేయడం, కలెక్టరేట్‌ స్థాయి అధికారులు వాటికి చట్టబద్ధమైన హకులు కల్పించడం మూ డేండ్లుగా జరుగుతున్నదే.

అయితే.. అత్యున్నత పోలీస్‌ హోదా డైరెక్టర్‌ జనరల్‌ (డీజీ) స్థాయిలో పనిచేసి, ఉద్యోగవిరమణ చేసిన ఓ ఐపీఎస్‌ అధికారి భూమికే రెవెన్యూ యంత్రాంగం ఎసరుపెట్టడం ఇప్పుడు రాష్ట్రవ్యాప్తంగా సంచలనం సృష్టిస్తున్నది. పెద్దల నుంచి వచ్చిన ఒక ఫోన్‌ కాల్‌తో మాజీ డీజీ స్థాయి అధికారి భూమిని రియల్‌ ఎస్టేట్‌ వ్యా పారికి ధారాదత్తం చేశారు. ఈ బాగోతం సంగారెడ్డి జిల్లా అందోల్‌ మండలం సంగుపేట శివారులో బయటపడింది. కోట్ల రూపాయల విలువైన ఈ భూ కుంభకోణం రెవెన్యూశాఖలో పాతుకుపోయిన అక్రమ దందాను బట్టబయ లు చేసింది. మరోవైపు అదే ఆఫీస్‌లో సకల ఆ ధారాలతో చట్టబద్ధంగా దరఖాస్తు చేసుకున్న సా మాన్యుల ఫైళ్లు మాత్రం నెలల తరబడి అధికారుల టేబుళ్లపైనే దుమ్ముకొట్టుకుపోతున్నాయి.

ఈష్‌కుమార్‌ పేరు తొలిగించి
రిటైర్డ్‌ ఐపీఎస్‌ అధికారి డాక్టర్‌ ఈష్‌కుమార్‌ డీజీపీ హోదాలో ఉద్యోగ విరమణ చేశా రు. ఆయన తండ్రి కేకే గార్గ్‌ 18 ఏండ్ల కిందట సంగుపేట గ్రామ శివారు సర్వే నంబర్‌ 329/2లో 4.27 ఎకరాల వ్యవసాయ భూమి ని చట్టబద్ధంగా కొనుగోలు చేశారు. అప్పటినుంచి ఆ భూమిలో మామిడి తోట సాగవుతున్నది. హైదరాబాద్‌కు సమీపంలో ఉండటం, ఈ భూమికి ఆనుకొని ప్రధాన రహదారి వెళ్లటంతో విలువ రూ.పదుల కోట్లకు చేరింది. దీంతో కొందరు రియల్‌ ఎస్టేట్‌ వ్యాపారులు, స్థానిక రాజకీయ నేతలు కన్నేశారు. రెవెన్యూ అధికారులతో కుమ్మకై ఆ భూమిని కాజేసేందుకు పకా పథకం రచించా రు.

పట్టాదారుడైన ఈష్‌కుమార్‌కు కనీస సమాచారంగానీ, నోటీసులు గానీ ఇవ్వకుండా, ఒక కాగితం కూడా లేకుండానే దరఖాస్తు నంబర్‌ ‘టీ0920251145’ ద్వారా గత నెలలో మ్యుటేషన్‌ చేశారు. ఆ 4.27 ఎకరాల భూమిని మీర్‌ మురాద్‌అలీ అనే వ్యక్తి పేరుపైకి గుట్టుచప్పుడు కాకుండా బదలాయించేశారు. అసలు ఈ గుట్టు రట్టవడం వెనుక మరో కబ్జా బాగో తం దాగి ఉంది. ఇదే సర్వే నంబర్‌ 329/2లో మరో వ్యక్తి గతంలో 2.30 ఎకరాల భూమిని కొనుగోలు చేశారు. ఆ భూమి పకనే ఉన్న సుమారు ఎకరా ప్రభుత్వ భూమిని కూడా అక్రమారులు కబ్జా చేశారు. చుట్టూ ఫెన్సింగ్‌ వేసి ఏకంగా ఫంక్షన్‌ హాల్‌ నిర్మించేందుకు సిద్ధమయ్యారు. ప్రభుత్వ భూమి ఆక్రమణను స్థానిక చిన్న, సన్నకారు రైతులు అడ్డుకున్నారు. సింగూరు కాలువ ఆనవాళ్లపై సమగ్ర సర్వే నిర్వహించి ప్రభుత్వ భూమిని కాపాడాలని రైతులు పట్టుబట్టడంతో అధికారులు రికార్డులు తీశారు. ఆ క్రమంలోనే రిటైర్డ్‌ డీజీ ఈష్‌కుమార్‌ పేరు మాయమై, మీర్‌ మురాద్‌ అలీ పేరు పట్టాదారుగా ఎకిన నిజం బయటపడింది.

Land Grabbing1

Land Grabbing1

పాపం ఆ మహిళ..
పెద్దల ఫోన్లకు తలొగ్గి కబ్జాదారుల ఫైళ్లను నిమిషాల్లో క్లియర్‌ చేసే ఇదే సంగారెడ్డి జిల్లా రెవెన్యూ యంత్రాంగం.. ఓ సామాన్య మహిళ విషయంలో మాత్రం అత్యంత కరశంగా వ్యవహరిస్తున్నది. సంగారెడ్డి జిల్లా కంది మండలానికి చెందిన ఒక మహిళ.. తనకు వారసత్వంగా సంక్రమించిన సర్వే నంబర్‌ 826/అ లోని పట్టా భూమికి సంబంధించి ఆన్‌లైన్‌లో పేరు నమోదు చేసి, పాస్‌బుక్‌ డాటా సవరణ చేయాలని దరఖాస్తు చేసుకున్నారు. అంతకుముందు మీ-సేవ ద్వారా ఎఫ్‌-లైన్‌ పిటిషన్‌ వేయగా, రెవెన్యూ అధికారుల సమక్షంలో సర్వే జరిగి, సరిహద్దుల నిర్ధారణ, సబ్‌ డివిజన్‌ ప్రక్రియ కూడా పూర్తయింది.

అనంతరం 2025 నవంబర్‌ 22న ‘2500154548’ నంబర్‌తో దరఖాస్తు చేసుకుంటూ పాత పహాణీ, రిజిస్టర్డ్‌ డాక్యుమెంట్‌, పాత పట్టాదారు పాస్‌బుక్‌ వంటి సకల ఆధారాలను జతపరిచారు. క్షేత్రస్థాయి రెవెన్యూ సిబ్బంది పరిశీలన సైతం ఎప్పుడో పూర్తయినా, భూభారతి రికార్డుల్లో ఆమె పేరు ఎకించాల్సిన ఫైల్‌ ఉన్నతాధికారి టేబుల్‌ వద్ద నెలల తరబడి పెండింగ్‌లోనే మగ్గుతున్నది. ఆమె తన హకు కోసం కార్యాలయాల చుట్టూ కాళ్లరిగేలా తిరుగుతున్నా కనికరించని అధికారులు, కబ్జాదారుల ఫైళ్లను మాత్రం కండ్లుమూసి తెరిచేలోగా చకబెడుతున్నారు. ఈ దుస్థితి ఒక కంది మండలానికో, అందోల్‌ మండలానికో పరిమితం కాలేదు. సంగారెడ్డి జిల్లా వ్యాప్తంగా వేలాది మంది రైతులు ఇదే తరహా నరకయాతన అనుభవిస్తున్నట్టు చెప్తున్నారు. సంగుపేట భూ కుంభకోణంపై సమగ్ర విచారణ జరిపించి, అక్రమ మ్యుటేషన్‌కు సహకరించిన అధికారులపై కఠిన చర్యలు తీసుకోవాలని జిల్లావాసులు డిమాండ్‌ చేస్తున్నారు.

పెండింగ్‌లో సంగారెడ్డికి రెండోస్థానం
రెవెన్యూ శాఖ అధికారిక గణాంకాలను పరిశీలిస్తే సంగారెడ్డి జిల్లాలో పెండింగ్‌ దరఖాస్తుల తీవ్రత స్పష్టమతుంది. భూభారతి పోర్టల్‌ వచ్చినప్పటి నుంచి రాష్ట్రంలో అత్యధిక పెండింగ్‌ దరఖాస్తులు సంగారెడ్డి జిల్లాలోనే ఉన్నాయని చెప్తున్నారు. సుమారు 7,865 పెండింగ్‌ దరఖాస్తులతో రాష్ట్రంలోనే రెండోస్థానంలో నిలిచినట్టు రెవిన్యూ నివేదికలు చెప్తున్నాయి. పట్టా మార్పిడి, వారసత్వ బదిలీ, పేరు, విస్తీర్ణ సవరణలు, నిషేధిత జాబితా (22-ఏ) తొలగింపు అర్జీలు వేల సంఖ్యలో పేరుకుపోయాయి. భూభారతిలో స్లాట్లు రద్దు చేసుకున్న రైతులకు చెల్లించాల్సిన రిఫండ్‌ దరఖాస్తులు సైతం వేల సంఖ్యలో పెండింగ్‌లో ఉన్నాయి. పెండింగ్‌ దరఖాస్తులను తక్షణమే పరిషరించాలని ఉన్నతాధికారులు డెడ్‌లైన్లు విధిస్తున్నా, క్షేత్రస్థాయిలో మాత్రం సామాన్యుల ఫైళ్లకు మోక్షం కలగడం లేదు.

వేరే భూ కుంభకోణం తోడితే.. వెలుగులోకి మాజీ డీజీ భూమి
తమ భూమి చేతులు మారిందన్న విషయం తెలిసి రిటైర్డ్‌ ఐపీఎస్‌ అధికారి నివ్వెరపోయారు. తాను ఎవరికీ ఒక గుంట భూమి కూడా విక్రయించలేదని స్పష్టం చేశారు. నేరుగా పోలీసు ఉన్నతాధికారులకు, సీఐడీకి ఫిర్యాదు చేశారు. దీంతో తమ మెడకు కేసుల ఉచ్చు ఎకడ బిగుసుకుంటుందోనని కలెక్టరేట్‌, మండల స్థాయి అధికారులు హుటాహుటిన రాజీ బేరాలకు దిగారు.

రెండో కంటికి తెలియకుండా, ఎలాంటి బహిరంగ విచారణ లేకుండానే రాత్రికి రాత్రే రెవెన్యూ రికార్డులను సవరించారు. తిరిగి డాక్టర్‌ ఈష్‌ కుమార్‌ (ఖాతా నంబర్‌ 60827) పేరును పట్టాదారుగా పునరుద్ధరించారు. 2026 నవంబర్‌ 15 నాటికి అప్‌డేట్‌ అయిన భూభారతి ఆన్‌లైన్‌ రికార్డులను పరిశీలిస్తే, రెవెన్యూ అధికారుల హడావుడి దిద్దుబాటు బాగోతం కండ్లకు కట్టినట్టు కనిపిస్తున్నది. సర్వే నంబర్‌ 329/2లోని 4.27 ఎకరాల భూమి తిరిగి ఈష్‌కుమార్‌ పేరుపైకి వచ్చినా, ఆ రికార్డులో ఇప్పటికీ పాస్‌ బుక్‌ నంబర్‌ అందుబాటులో లేదని, ఆధార్‌ అందుబాటులో ఉంది కానీ ఈ-కేవైసీ పూర్తి కాలేదని, భూమి స్థితి ‘సంతకం చేయబడలేదు’ అని నమోదై ఉన్నది. ఈ-కేవైసీ లేకుండా, డిజిటల్‌ సంతకాలు లేకుండా ఆన్‌లైన్‌ రెవెన్యూ రికార్డులను ఇంత సులువుగా అటూ ఇటూ మార్చడం ఎలా సాధ్యమైందని రెవెన్యూ నిపుణులు సైతం విస్మయం వ్యక్తం చేస్తున్నారు. పైగా అక్రమ మ్యుటేషన్‌కు ఆమోదం తెలిపిన అధికారులపై నేటికీ ఎలాంటి విచారణగానీ, సస్పెన్షన్‌ వేటుగానీ పడకపోవడంపై కలెక్టరేట్‌ స్థాయి అధికారుల పాత్ర మీద కూడా అనుమానాలు వ్యక్తం అవుతున్నాయి.

Comments (0)

User