ఫెయిర్‌నెస్‌ క్రీమ్‌తో కిడ్నీ జబ్బు

22 November 2026 - 02:00
0 0
ఫెయిర్‌నెస్‌ క్రీమ్‌తో కిడ్నీ జబ్బు
Tb
  • కేరళ బాలిక శరీరంపై‘మెర్క్యురీ’ తీవ్ర ప్రభావం
  • కంపెనీల ప్రచారం పట్ల జాగ్రత్త!

మలప్పురం: సామాజిక మాధ్యమాల్లో ఇన్‌ఫ్లూయెన్సర్లు ప్రచారం చేసిన ఫెయిర్‌నెస్‌ క్రీమ్‌ను వాడిన ఓ కేరళ బాలిక(17) తీవ్రమైన మూత్ర పిండాల వ్యాధి బారిన పడింది. ఏడాది పాటు ఆ క్రీమ్‌ను వాడిన తర్వాత అఅకస్మాత్తుగా ఆమెలో రక్తపోటు పడిపోయి, స్పృహ కోల్పోవడం, కాళ్లు వాపు రావడం లాంటి లక్షణాలు కనిపించాయి. దీంతో ఆమె నడవడానికి, మెట్లు ఎక్కడానికి ఇబ్బంది పడింది.

ప్రస్తుతం బాధితురాలు మలప్పురంలోని ఓ దవాఖానలో చికిత్స పొందుతున్నది. మొదట్లో మొటిమలు, నల్లమచ్చలు, చర్మానికి సహజ రంగు రావడం కోసం ఆ క్రీమ్‌ బాగానే పనిచేసిందని బాధితురాలు తెలిపింది. అయితే ఆమె శరీరంలో ప్రమాదకర స్థాయిలో మెర్క్యురీని గుర్తించినట్టు నెఫ్రాలజిస్ట్‌ గౌరి తెలిపారు. తమ సౌందర్య లేపనాలు త్వరగా ఫలితాలు ఇస్తాయని కంపెనీలు చేసే ప్రచారం పట్ల జాగ్రత్తగా ఉండాలని ఆమె హెచ్చరించారు. కిడ్నీల వడపోత యూనిట్లను మెర్క్యురీ తీవ్రంగా దెబ్బ తీయొచ్చని ఆమె చెప్పారు. బాధితురాలు మెంబ్రానస్‌ నెఫ్రోపతి అనే తీవ్రమైన కిడ్నీ జబ్బు బారిన పడిందని వెల్లడించారు. ఆమె వాడిన ఫెయిర్‌నెస్‌ క్రీమ్‌లో పరిమితికి మించి ఒక మిలియన్‌కు 12,500 పార్ట్స్‌ మెర్క్యురీ ఉన్నట్టు పరీక్షలో తేలిందన్నారు.

Comments (0)

User