ప్రాంతీయ శక్తులపై బీజేపీ జులుం

18 November 2026 - 07:30
0 0
ప్రాంతీయ శక్తులపై బీజేపీ జులుం
Modi 1

కేంద్రంలోని బీజేపీ పన్నెండేండ్ల పాలనలో అనేక రాష్ర్టాల్లో అక్కడి పూర్వ పాలకపక్షాలైన ప్రాంతీయపక్షాలను దెబ్బదీసి కోలుకోకుండా చేసింది. రాజ్యాంగ వ్యతిరేక, అప్రజాస్వామిక పోకడలతో కాషాయపక్షం తనతో రాజకీయ పొత్తులేని అనేక ప్రాంతీయ పార్టీలు కుదేలయ్యేలా వ్యవహరిస్తూ ఉన్నది. మెజారిటీ లోక్‌సభ సీట్లు సొంతంగా సాధించిన 2014కు ముందు అనేక రాష్ర్టాల్లో తాను బలోపేతం కావడానికి సాయపడిన బిజూ జనతా దళ్‌ (బీజేడీ), తృణమూల్‌ కాంగ్రెస్‌ వంటి అనేక పార్టీలతో తెగదెంపులు చేసుకుని వాటిని శత్రువులుగా చూస్తున్నది.

పార్లమెంటులో తన అవసరాల కోసం డీఎంకే వంటి పార్టీలతో మళ్లీ జత కట్టడానికి అన్ని ప్రయత్నాలూ చేస్తున్నారు ప్రధాని నరేంద్రమోదీ, కేంద్ర హోం మంత్రి అమిత్‌ షా. ప్రత్యేక తెలంగాణ సాధించిన పార్టీగా బీఆర్‌ఎస్‌ తొమ్మిదిన్నరేండ్లపాటు పాలకపక్షంగా కొనసాగి రాష్ట్ర ప్రగతికి ఎనలేని కృషి చేసింది. మిగిలిన ప్రాంతీయపక్షాల స్థితికి భిన్నంగా బీఆర్‌ఎస్‌ నిరంతర చైతన్యంతో ముందుకు సాగుతున్నది. అధికారం కోల్పోయిన నాటినుంచే జనంలో ఉంటూ ప్రజాప్రయోజనాల కోసం పాలకపక్షమైన కాంగ్రెస్‌తో పోరాడుతూనే ఉన్నది. పార్టీ అగ్రనేత కేసీఆర్‌ నాయకత్వంలో సమర్థవంతమైన పాత్రను పోషిస్త్తున్నది. బీఆర్‌ఎస్‌ హయాంలో నిర్మించిన సాగునీటి ప్రాజెక్టుల విషయంలో కాంగ్రెస్‌ ప్రభుత్వం చేస్తున్న ప్రచారాన్ని బీఆర్‌ఎస్‌ నేతలు తిప్పికొడుతున్నారు. అసెంబ్లీలో సర్కార్‌ను ఎప్పటికప్పుడు నిలదీస్తూ బలమైన ప్రతిపక్షంగా పదేపదే నిరూపించుకుంటున్నది. ప్రజాసమస్యల పరిష్కారానికి రైతు గర్జన వంటి భారీ బహిరంగ సభలు, ర్యాలీలను సమర్థవంతంగా నిర్వహిస్తున్నది. ఇటీవల ఆదిలాబాద్‌లో భారీ స్థాయిలో జనసమీకరణ చేసి రాష్ట్ర సర్కార్‌పై పోరు వేగం పెంచింది. ఎప్పుడు ఎన్నికలు జరిగినా కేసీఆర్‌ నాయకత్వాన బీఆర్‌ఎస్‌ మళ్లీ అధికారంలోకి రావడం ఖాయమని స్పష్టమౌతున్నది.

మహారాష్ట్రలో దేవేంద్ర ఫడ్నవీస్‌ నాయకత్వంలోని సంకీర్ణ మహాయుతి సర్కార్‌లో భాగస్వామ్య పక్షాలైన శివసేన (ఏక్‌నాథ్‌ షిండే), ఎన్సీపీ (అజిత్‌ పవార్‌ వర్గం) రెండూ పూర్వపు ప్రాంతీయపక్షాలైన శివసేన, ఎన్సీపీల చీలికలతో పుట్టిన చీలికవర్గాలే. సొంత మెజారిటీ లేకున్నా శివసేన భాగస్వామ్యంతో బీజేపీ నేత దేవేంద్ర పడ్నవీస్‌ 2014లో సీఎం అయ్యారు. 2019 రాజకీయ సంక్షోభం తర్వాత శివసేన..కాంగ్రెస్‌, ఎన్సీపీతో చేతులు కలుపగా సేన నేత ఉద్ధవ్‌ ఠాక్రే ముఖ్యమంత్రి అయ్యారు. ఆ తర్వాత 2022లో ఈ సర్కార్‌ను కూల్చిన బీజేపీ కొద్ది కాలానికే ఎన్సీపీ, శివసేనను చీల్చి రాజకీయంగా లబ్ధి పొందింది. బీజేపీతో చేతులు కలిపిన ఉపముఖ్యమంత్రి ఏక్‌నాథ్‌ షిండే నేతృత్వంలోని శివసేన మొదట సీఎం పదవిని సాధించింది.

గతంలో కాంగ్రెస్‌ మద్దతుతో సీఎం అయిన ఉద్ధవ్‌ ఠాక్రే నాయకత్వంలోని శివసేన 2024 లోక్‌సభ ఎన్నికల్లో చెప్పుకోదగ్గ సంఖ్యలో సీట్లు సాధించినా శాసనసభ ఎన్నికల్లో ఓడిపోయింది. 2026 జూన్‌లో ఈ పార్టీ మెజారిటీ ఎంపీలు పార్టీ ఫిరాయించారు. ఎన్సీపీ స్థాపకుడు శరద్‌ పవార్‌ అన్న కొడుకు అజిత్‌ పవార్‌ మరణించాక ఆయన భార్య సునేత్ర పవార్‌ నాయకత్వంలోని చీలికవర్గం పార్టీ ఉనికి అయోమయ స్థితిలో ఉన్నది.

పశ్చిమబెంగాల్‌లో మమతా బెనర్జీ నాయకత్వంలో పుట్టిన టీఎంసీతో 1998 పార్లమెంటు ఎన్నికల్లో, ఆ తర్వాత 1999 ఎన్నికల్లో బీజేపీ పొత్తుపెట్టుకుని లబ్ధిపొందింది. తర్వాత కొన్నేండ్లకు ఈ రెండు పార్టీల బంధం తెగిపోయాక 2004 ఎన్నికల నుంచి కాంగ్రెస్‌తో మమత పొత్తుపెట్టుకొని కొన్నేండ్లు కేంద్రంలో యూపీఏ సర్కార్‌లో భాగస్వామి అయ్యారు. చివరికి 2011 అసెంబ్లీ ఎన్నికల్లో కాంగ్రెస్‌తో పొత్తు ఫలితంగా ఆమె అధికారంలోకి వచ్చారు. 2016, 2021 అసెంబ్లీ ఎన్నికల్లో టీఎంసీ విజయం సాధించి మొన్నటివరకు బెంగాల్‌లో బలమైన పాలకపక్షంగా కొనసాగింది. ఆమె రెండో పదవీకాలం మధ్య నుంచీ (20182021) తృణమూల్‌ నేతలు, ఎమ్మెల్యేలను తమ పార్టీలోకి ఫిరాయించేలా చేసింది కేంద్రంలోని కాషాయ సర్కార్‌. 2021లో మూడోసారి టీఎంసీ విజయం సాధించినప్పటి నుంచీ బీజేపీ తన వ్యూహాన్ని మరింత బలంగా ముందుకు తీసుకెళ్లింది. ఫలితంగా 2026 ఎన్నికల్లో టీఎంసీ పరాజయం పాలైంది.

ఒడిశా ప్రాంతీయపక్షం బిజూ జనతాదళ్‌ కూడా 1997లో ఏర్పాటయ్యాక వరుసగా 1998, 1999 పార్లమెంటు ఎన్నికల్లో కాషాయపక్షంతో జతకట్టి పోటీచేసింది. రాష్ట్ర రాజకీయ దిగ్గజం బిజూ పట్నాయక్‌ కుమారుడు నవీన్‌ పట్నాయక్‌ నాయకత్వంలో పుట్టిన బీజేడీ కేంద్రంలో ఏబీ వాజపేయి నాయకత్వంలో ఏర్పడిన ఎన్డీఏ సర్కార్‌లో చేరింది. నవీన్‌ కొన్నేండ్లు కేంద్రమంత్రిగా కొనసాగారు. 2020 అసెంబ్లీ ఎన్నికల్లో బీజేపీతో కలిసి పోటీచేసిన బీజేడీకి మెజారిటీ లభించింది. కాంగ్రెస్‌ ఓడిపోయింది. తొలిసారి అప్పుడు ముఖ్యమంత్రి అయిన నవీన్‌ ఐదేండ్ల తర్వాత 2004 అసెంబ్లీ ఎన్నికల్లో గెలిచి బీజేపీ సంకీర్ణ భాగస్వామిగా పదేండ్లు అధికారంలో కొనసాగారు. అయితే, 2009 అసెంబ్లీ, పార్లమెంటు ఎన్నికల్లో బీజేపీతో నవీన్‌ తెగదెంపులు చేసుకున్నారు. వరుసగా 2009, 2014, 2019 అసెంబ్లీ ఎన్నికల్లో బీజేడీ విజయం సాధించింది. ఫలితంగా, నవీన్‌ పట్నాయక్‌ వరుసగా దాదాపు పాతికేండ్లు (20002024) ఒడిశా సీఎంగా కొనసాగి రికార్డు సృష్టించారు. 2024 లోక్‌సభ, అసెంబ్లీ ఎన్నికల్లో బీజేడీ పరాజయం పొందడంతో బీజేపీ తొలిసారి ఒడిశాలో అధికారంలోకి వచ్చింది.

ఇక దక్షిణాదిలో అతి పెద్ద రాష్ట్రం తమిళనాడులో సినీనటుడు జోసెఫ్‌ విజయ్‌ నాయకత్వంలోని ప్రస్తుత పాలకపక్షం తమిళగ వెట్రి కళగం (టీవీకే) ఈ ఏడాది జరిగిన అసెంబ్లీ ఎన్నికల్లో గెలిచి అధికారంలోకి వచ్చింది. ఈ అనూహ్య రాజకీయ పరిణామం సంభవించాక తమిళనాడును అనేక దశాబ్దాల పాటు పరిపాలించిన డీఎంకే, అన్నా డీఎంకే కొంత సంక్షోభం ఎదుర్కొంటున్నాయి. కర్ణాటకలో పూర్వ ప్రాంతీయ పాలకపక్షం జనతాదళ్‌ఎస్‌ (జేడీఎస్‌) ఇప్పుడు బాగా బలహీనపడింది. మాజీ ప్రధాని హెచ్‌డీ దేవెగౌడ, ఆయన కొడుకు, కేంద్ర మంత్రి హెచ్‌డీ కుమారస్వామి నాయకత్వంలో నడుస్తున్న జేడీఎస్‌ చాలా కాలంగా కాంగ్రెస్‌, బీజేపీతో విడతలవారీగా పొత్తు పెట్టుకుంటూ బాగా బలహీనమైంది.

కొన్నేండ్లపాటు బలమైన ప్రాంతీయపక్షం శిరోమణి అకాలీదళ్‌ (ఎస్‌ఏడీ)తో పొత్తుపెట్టుకుని బీజేపీ పంజాబ్‌లో సంకీర్ణ సర్కార్‌లో భాగస్వామిగా అధికారం పంచుకున్నది. అయితే, వరుసగా దశాబ్దంపాటు (20072017) పంజాబ్‌ రాష్ట్ర సర్కార్‌ను అకాలీదళ్‌ నడిపింది. 2017 అసెంబ్లీ ఎన్నికల్లో ఓటమితో అధికారం కోల్పోయిన ఈ పార్టీ దాదాపు గత పదేండ్లుగా ప్రతిపక్ష స్థానానికే పరిమితమైంది.

2017 నుంచి ఐదేండ్లు కాంగ్రెస్‌ పాలన తర్వాత ఆమ్‌ ఆద్మీ పార్టీ (ఆప్‌) అధికారంలోకి వచ్చినా బీజేపీ మిత్రపక్షమైన అకాలీదళ్‌ మళ్లీ కోలుకోలేదు. దేశంలో అతిపెద్ద రాష్ట్రం ఉత్తరప్రదేశ్‌లో ప్రాంతీయపక్షమైన సమాజ్‌వాదీ పార్టీ (ఎస్పీ) పార్టీ స్థాపకుడు ములాయంసింగ్‌ యాదవ్‌, ఆయన కుమారుడు, ప్రస్తుత పార్టీ నేత అఖిలేశ్‌ యాదవ్‌ నాయకత్వంలో దాదాపు 12 ఏండ్లు అధికారంలో ఉన్నది. మరో ప్రాంతీయపక్షం బహుజన్‌ సమాజ్‌ పార్టీ (బీఎస్పీ) ప్రస్తుత నాయకురాలు మాయావతి నేతృత్వంలో ఏడేండ్లు యూపీని పరిపాలించింది. గత పదేండ్లుగా యోగి ఆదిత్యానాథ్‌ నాయకత్వాన బీజేపీ రాష్ట్ర సర్కార్‌ను నడిపిస్తున్నది.

ఇక దక్షిణాదిలో అతి పెద్ద రాష్ట్రం తమిళనాడులో సినీనటుడు జోసెఫ్‌ విజయ్‌ నాయకత్వంలోని ప్రస్తుత పాలకపక్షం తమిళగ వెట్రి కళగం (టీవీకే) ఈ ఏడాది జరిగిన అసెంబ్లీ ఎన్నికల్లో గెలిచి అధికారంలోకి వచ్చింది. ఈ అనూహ్య రాజకీయ పరిణామం సంభవించాక తమిళనాడును అనేక దశాబ్దాల పాటు పరిపాలించిన డీఎంకే, అన్నా డీఎంకే కొంత సంక్షోభం ఎదుర్కొంటున్నాయి. కర్ణాటకలో పూర్వ ప్రాంతీయ పాలకపక్షం జనతాదళ్‌ఎస్‌ (జేడీఎస్‌) ఇప్పుడు బాగా బలహీనపడింది.

-నాంచారయ్య మెరుగుమాల

Comments (0)

User