పంచాయతీ కార్యదర్శుల సమస్యలు పరిష్కరించండి

22 November 2026 - 02:00
0 0
పంచాయతీ కార్యదర్శుల సమస్యలు పరిష్కరించండి
Ntlogo 1 300x169
  • కార్యదర్శుల సంఘం నేతల వినతి

హైదరాబాద్‌, నవంబర్‌ 21 (నమస్తే తెలంగాణ): రాష్ట్రవ్యాప్తంగా గ్రామ పంచాయతీ కార్యదర్శులకు ప్రమోషన్లు కల్పించి క్యాడర్‌ సామర్థ్యం పెంచాలని తెలంగాణ పంచాయతీ కార్యదర్శుల సంఘం(టీపీఎస్‌ఏ) రాష్ట్ర అధ్యక్షుడు ఈర్లపల్లి శ్రీనివాస్‌, గౌరవఅధ్యక్షుడు పీ మధుసూదన్‌రెడ్డి ప్రభుత్వాన్ని డిమాండ్‌ చేశారు.

శనివారం సచివాలయంలో పంచాయతీరాజ్‌, గ్రామీణాభివృద్ధిశాఖ స్పెషల్‌ చీఫ్‌సెక్రటరీ నవీన్‌మిట్టల్‌కు వినతిపత్రం అందజేశారు. అనంతరం గ్రామీణ పరిపాలన బలోపేతం, పంచాయతీ కార్యదర్శుల క్యాడర్‌ స్ట్రెంత్‌, క్షేత్రస్థాయిలో కార్యదర్శులు ఎదురొంటున్న వివిధసమస్యలపై చర్చించారు. తాము ప్రస్తావించిన సమస్యలపై నవీన్‌మిట్టల్‌ సానుకూలంగా స్పందించి, తగినచర్యలు తీసుకుంటామని హామీ ఇచ్చినట్టు సంఘంనాయకులు తెలిపారు.

Comments (0)

User