డబుల్‌ బెడ్రూమ్‌ ఇల్లు దకలేదని..

18 November 2026 - 03:00
0 0
డబుల్‌ బెడ్రూమ్‌ ఇల్లు దకలేదని..
Trr
  • 40 ఏండ్లుగా బతుకుతున్న పట్టణంలో నీడ కరువైందని ఆవేదన
  • గుడిసెకు నిప్పంటించి వలస బాట

ఊరే వదిలివెళ్లిన వృద్ధురాలుతొర్రూరు, నవంబర్‌ 17 : డబుల్‌ బెడ్రూమ్‌ ఇల్లు వస్తుందన్న ఆశతో నాలుగు దశాబ్దాలుగా తొర్రూరులో జీవనం సాగిస్తున్న ఓ వృద్ధురాలికి చివరకు నిరాశే మిగిలింది. సొంత ఇల్లు లేక రోడ్డు పకన చిన్న గుడిసె వేసుకొని ఉంటున్నా ఎవరూ కనికరించకపోవడంతో చివరకు తాను పుట్టి పెరిగిన తొర్రూరును వదిలి వరంగల్‌కు వలస వెళ్లింది. బాధితురాలు కథనం ప్రకారం.. సిరివాటి కోటమ్మ 40 ఏండ్లుగా మహబూబాబాద్‌ జిల్లా తొర్రూరు నాలుగో వార్డులో రోడ్డు పకన చిన్నగుడిసె వేసుకొని జీవనం సాగిస్తున్నది.

ఇటీవల ఇండ్ల కేటాయింపుల్లో ఆమెకు అన్యాయం జరిగింది. డబ్బులు తీసుకొని అనర్హులకు ఇండ్లు కేటాయించినట్టు స్థానికులు ఆరోపిస్తున్నారని, తనకు కూడా ఇల్లు దక్కలేదని కోటమ్మ రోదిస్తూ తెలిపింది. ‘గత 30 ఏళ్లుగా కాంగ్రెస్‌ పార్టీకే ఓటు వేస్తున్నా.. ఇన్ని సంవత్సరాల్లో ఏ పాలకులు నన్ను ఈ విధంగా ఇబ్బంది పెట్టలేదు. ఇల్లు రాకపోవడంతో ఇక తొర్రూరులో ఉండలేకపోతున్నా. అందుకే గుడిసెకు నిప్పంటించి వరంగల్‌కు వెళ్లిపోతున్నా’ అంటూ కోటమ్మ ఆవేదన వ్యక్తం చేసింది. ఇల్లు వస్తుందన్న ఆశతో ఎదురుచూసిన వృద్ధురాలు.. చివరకు ఉన్న గుడిసెను కూడా వదిలి ఊరు విడిచి వెళ్లడం స్థానికంగా చర్చనీయాంశంగా మారింది.

Comments (0)

User