‘చేయూత పెన్షన్దారులకు న్యాయం చేయాలి’

– చిన్న, చిన్న కారణంతో పెన్షన్దారులను బాధ పెట్టడం సరికాదు
– అర్హులందరికీ పెన్షన్లు అందించాలని డీఆర్డీఓ జాయింట్ కలెక్టర్ విద్యా చందనకు సిపిఐ ప్రతినిధి బృందం వినతి
రుద్రంపూర్, నవంబర్ 16 : కార్పొరేషన్ పరిధిలోని వివిధ డివిజనల్లో వివిధ చిన్న చిన్న కారణాల పేరుతో కరెంట్ బిల్లు, నాలుగు చక్రాల వాహనం, స్లాబ్ ఇల్లు ఉందనే చిన్న చిన్న కారణాలతో అర్హత ఉండి కూడా పేదల పెన్షన్లు ఆపడం సరైంది కాదని సిపిఐ జిల్లా కౌన్సిల్ సభ్యుడు మునిగడప వెంకటేశ్వర్లు, గిరిజన సమాఖ్య జిల్లా కార్యదర్శి భూక్య శ్రీనివాస్, 16వ డివిజన్ కార్పొరేటర్ మునిగడప పద్మ జాయింట్ కలెక్టర్, డిపిఆర్ఓ విద్యా చందనకు వివరించారు. చిన్న చిన్న కారణాలతో నిలిపివేసిన వారి అందరి పెన్షన్లను తక్షణమే ఆమోదించి వారికి కూడా చేయూత అందించాలని సోమవారం గ్రీవెన్స్ డేలో వినతి పత్రం అందించి మాట్లాడారు. పైన తెలిపిన చిన్న చిన్న కారణాలతో పాటు రూ.2 వేల లోపు సింగరేణి పెన్షన్ వచ్చేవారికి చేయూత అందించడంలో మానవత దృక్పథంతో వారిని అర్హులుగా తేల్చాలని కోరారు. దీనిపై స్పందించిన జాయింట్ కలెక్టర్, డీఆర్డీఏ విద్యా చందన అక్కడే ఉన్న చేయూత పెన్షన్ అధికార బాధ్యులను పిలిపించి రీ ఎంక్వయిరీ చేసి అర్హులకు న్యాయం చేయాలని ఆదేశించారని సిపిఐ ప్రతినిధి బృందం తెలిపింది. వినతిపత్రం అందించిన వారిలో రెండవ ఇంక్లైన్ సర్పంచ్ నగేశ్, సిపిఐ నాయకులు ఎండీ అంకుష్, సింగిరాల రమేశ్, లబ్ధిదారులు పాల్గొన్నారు.
Comments (0)