‘క్రీడలతో ఆత్మవిశ్వాసం పెంపు’

– తుంగతుర్తి ఎంపీడీవో చలపతి, ఎంఈవో బోయిని లింగయ్య
తుంగతుర్తి, నవంబర్ 18 : క్రీడలతో ఆత్మవిశ్వాసం పెంపొందుతుందని తుంగతుర్తి ఎంపీడీవో చలపతి, ఎంఈవో బోయిని లింగయ్య అన్నారు. బుధవారం తుంగతుర్తి మండల కేంద్రంలోని జడ్పీహెచ్ఎస్ పాఠశాలలో ప్రత్యేక అవసరాలు గల పిల్లల కోసం నిర్వహించిన మండల స్థాయి క్రీడా పోటీలను వారు ప్రారంభించి మాట్లాడారు. క్రీడలు పిల్లల్లో ఆత్మవిశ్వాసాన్ని నింపడంతో పాటు అందరితో సమానంగా సమాజంలో మమేకమయ్యేలా దోహద పడతాయన్నారు. అనంతరం గెలుపొందిన విద్యార్థులకు బహుమతులు ప్రదానం చేశారు. ఈ కార్యక్రమంలో హెచ్ఎం ధరావత్ రఘుపతి, ఐఈఆర్ఎఫ్ గుండగాని ఉపేందర్, పిఈటి శ్రీనివాస్ పాల్గొన్నారు.
Comments (0)