‘కాకతీయ సేవా సమితి సేవలు భావితరాలకు స్ఫూర్తిదాయకం’

– నిరుపేదలకు అంతర్జాతీయ స్థాయి కంటి వైద్యం అభినందనీయం….
– సూర్యాపేట జడ్పీ సీఈవో శిరీష
కోదాడ, నవంబర్ 19 : సామాజిక సేవా రంగాల్లో కోదాడ కాకతీయ సేవా సమితి అందిస్తున్న సేవలు భావితరాలకు ఎంతో స్ఫూర్తిదాయకంగా నిలుస్తున్నాయని కోదాడ మాజీ ఎమ్మెల్యే వేనేపల్లి చందర్ రావు, జిల్లా పరిషత్ సీఈవో దేవరపల్లి శిరీష కొనియాడారు. గురువారం దుర్గాపురం సమీపంలోని కాకతీయ సేవా సమితి కల్యాణ మండపంలో గత పది రోజులుగా శంకర నేత్రాలయ పుట్టపర్తి వారి సహకారంతో నిర్వహిస్తున్న ఉచిత కంటి వైద్య శిబిరం ముగింపు కార్యక్రమానికి వారు ముఖ్య అతిథులుగా హాజరై మాట్లాడారు. నిరుపేదలకు సైతం అంతర్జాతీయ స్థాయిలో నాణ్యమైన కంటి వైద్య సేవలు, శస్త్రచికిత్సలను ఉచితంగా అందించడం ఎంతో అభినందనీయమని ప్రశంసించారు. ఈ శిబిరంలో మొత్తం 650 మందికి కంటి పరీక్షలు నిర్వహించగా, వారిలో 140 మందికి విజయవంతంగా కంటి శుక్లాల ఆపరేషన్లు జరిగినట్లు నిర్వాహకులు తెలిపారు.
ఈ కార్యక్రమంలో విశ్రాంత ఉద్యోగుల సంఘం రాష్ట్ర అసోసియేట్ అధ్యక్షుడు రావిళ్ల సీతారామయ్య, కాకతీయ సేవా సమితి అధ్యక్షుడు పెదనాటి వెంకటేశ్వరరావు, ప్రధాన కార్యదర్శి వేమూరి సురేశ్, మాజీ డిసిసిబి చైర్మన్ ముత్తవరపు పాండురంగారావు, డాక్టర్ జాస్తి సుబ్బారావు, పోటు రంగారావు, కాకర్ల వెంకటేశ్వరరావు, గంట సత్యనారాయణ, కనగాల నాగేశ్వరరావు, నాదెళ్ల బాలకృష్ణ, మారుతి మాధవరావు, కొత్త రాంబాబు, ముండ్ర రవికుమార్, శంకర నేత్రాలయ వైద్య బృందం పాల్గొన్నారు.
Comments (0)