ఇరాన్‌ వద్ద 1,500-2,500 క్షిపణులు

16 November 2026 - 05:00
0 0
ఇరాన్‌ వద్ద 1,500-2,500 క్షిపణులు
Irn
  • అమెరికా నిఘా వర్గాల అంచనా

వాషింగ్టన్‌, నవంబర్‌ 15: ఇరాన్‌, అమెరికా మధ్య ఘర్షణకు తెరపడినట్టేనని భావిస్తున్న తరుణంలో ఆదివారం బహ్రెయిన్‌ పై ఇరాన్‌ దాడితో మళ్లీ ఉద్రిక్తత నెలకొంది. ఈ క్రమంలో ఇరాన్‌ ఆయుధ పటిష్ఠతపై ది వాల్‌స్ట్రీట్‌ జర్నల్‌ ఒక కథనాన్ని వెలువరించింది. అమెరికా, ఇజ్రాయెల్‌ దాడులు కొన్ని నెలలుగా కొనసాగుతున్నప్పటికీ ఇరాన్‌ వద్ద 1,500 నుంచి 2,500 క్షిపణులు మిగిలి ఉన్నాయని అమెరికా నిఘా సంస్థల అంచనాను ఉటంకిస్తూ ది వాల్‌స్ట్రీట్‌ జర్నల్‌ తెలిపింది.

మళ్లీ ఘర్షణలు పెరిగితే అమెరికా, దాని మిత్రదేశాల స్థావరాలను లక్ష్యంగా చేసేందుకు టెహ్రాన్‌కు ఈ నిల్వలు గణనీయమైన దాడి సామర్థ్యాన్ని ఇస్తున్నాయని పేర్కొంది. ఇరాన్‌ వద్ద 1,500కు పైగా బాలిస్టిక్‌ క్షిపణులు ఉన్నాయని ఇజ్రాయెల్‌ సైనిక అధికారులు కూడా అంచనా వేశారు.అమెరికా-ఇజ్రాయెల్‌ ఉమ్మడి దాడుల్లో ఇరాన్‌ సైనిక సామర్థ్యం చాలావరకు ధ్వంసమైందన్న ట్రంప్‌ ప్రభుత్వ వాదనలకు ఈ వివరాలు విరుద్ధంగా ఉన్నాయి.

Comments (0)

User