‘ఆర్ఎల్సీ అంగీకరించిన 24 డిమాండ్లను అమలు చేయాలి’

– లేకుంటే మెరుపు సమ్మె తప్పదు
– శ్రావణపల్లి, కోయగూడెం-3 ఓసీలను సింగరేణికే కేటాయించాలి
– – ఏఐటీయూసీ ప్రధాన కార్యదర్శి కొరిమి రాజ్కుమార్ డిమాండ్
టేకులపల్లి, నవంబర్ 17 : ఆర్ఎల్సీ హైదరాబాద్ సమక్షంలో అంగీకరించిన 24 డిమాండ్లను వెంటనే అమలు చేయాలని సింగరేణి కాలరీస్ వర్కర్స్ యూనియన్ (ఏఐటీయూసీ) ప్రధాన కార్యదర్శి కొరిమి రాజ్కుమార్ డిమాండ్ చేశారు. మంగళవారం కోయగూడెం ఓసీపీలో ఫిట్ కార్యదర్శి మాలోత్ హరిసింగ్ అధ్యక్షతన జరిగిన సమావేశంలో ఆయన మాట్లాడారు. కార్మిక సమస్యల పరిష్కారంలో యాజమాన్యం నిర్లక్ష్యంగా వ్యవహరిస్తోందని, అంగీకరించిన డిమాండ్లపై ఇప్పటివరకు సర్క్యులర్లు విడుదల చేయలేదని విమర్శించారు. మెడికల్ ఫిట్ ఉద్యోగులకు వెంటనే ఆర్డర్లు ఇవ్వాలని, పాత పద్ధతిలో మెడికల్ బోర్డులు నిర్వహించాలని, జెన్కో-ట్రాన్స్కో నుంచి సింగరేణికి రావాల్సిన రూ.60 వేల కోట్ల బకాయిలు చెల్లించాలని కోరారు. శ్రావణపల్లి, కోయగూడెం-3 ఓసీ టెండర్లను సింగరేణికే కేటాయించాలని, ప్రైవేటు సంస్థలకు అప్పగిస్తే ఉద్యమం తప్పదని హెచ్చరించారు. ఈ నెల 18, 19 తేదీల్లో జీఎం కార్యాలయాల ఎదుట రెండు రోజుల నిరాహార దీక్షలు చేపడతామని, సమస్యలు పరిష్కరించకుంటే మెరుపు సమ్మెకు దిగుతామని స్పష్టం చేశారు.
ఈ సమావేశంలో ఏఐటీయూసీ డిప్యూటీ ప్రధాన కార్యదర్శి కె.సారయ్య, బ్రాంచ్ కార్యదర్శి ఎండీ నజీర్ అహ్మద్, సహాయ కార్యదర్శి కొంగర వెంకటేశ్వర్లు, షేక్ సర్వర్, సామల శ్రీనివాస్, జీఏ శ్రీనివాస్, సకినా రాజేష్, బాలుకుమార్, విష్ణువర్ధన్, కనకరాజు, సద్దాత్ హుస్సేన్, కరుణ శంకర్, వెంకటనర్సయ్య, వినయ్ బాబు, జాన్ మైఖేల్, ముక్తి శంకర్, రాజ్కుమార్, బండి సీతారాములు, ఉమామహేశ్వరరావు, వినీత్ కుమార్, జర్పుల హరిలాల్, అహ్మద్, ఈసం నాగేందర్, బాషపోయిన అశోక్, మహేష్, గుర్రం రవికుమార్ పాల్గొన్నారు.
Comments (0)