KTR | మూడేళ్ల కాంగ్రెస్ పాలనలో తెలంగాణ ఫాలింగ్.. బాడీగార్డ్‌గా మారిన రేవంత్ రెడ్డి : చిట్‌చాట్‌లో కేటీఆర్

17 November 2026 - 17:30
0 0
KTR | మూడేళ్ల కాంగ్రెస్ పాలనలో తెలంగాణ ఫాలింగ్.. బాడీగార్డ్‌గా మారిన రేవంత్ రెడ్డి : చిట్‌చాట్‌లో కేటీఆర్
Ktr

KTR | కాంగ్రెస్ ప్రభుత్వం ఏర్పడి మూడేళ్లు పూర్తవుతుంది. రైతుల్లో భారీగా వ్యతిరేకత ఉందని బీఆర్ఎస్ వ‌ర్కింగ్ ప్రెసిడెంట్ కేటీఆర్ అన్నారు. మీడియాతో చిట్ చాట్‌లో కేటీఆర్ మాట్లాడుతూ.. ఈ శతాబ్దపు అతిపెద్ద మోసం కాంగ్రెస్ మేనిఫెస్టో అని.. నోటికి ఎంత వస్తే అంత అడ్డగోలు హామీలు ఇచ్చింది. ఇది పెద్ద మోసం..చెప్పిన ఒక్కటి కూడా సక్రమంగా చేయలేదని ఫైర్ అయ్యారు.

రేవంత్ రెడ్డి పూర్తిగా బాడీగార్డ్‌గా మారారు. రాష్ట్ర ముఖ్యమంత్రిగా వ్యవహార శైలి బాగోలేదు. పీసీసీ చీఫ్ కూడా చిన్నపిల్లాడిలా ఉరుకుతున్నాడు. తనకంటే అయిదేళ్లు చిన్న వ్యక్తి అమిత్ షా కాళ్లు రాంచందర్ రావు ఎందుకు మొక్కారు..? ఆత్మగౌరవం కోసం తిరగబడ్డ సమాజం తెలంగాణ. ఆత్మగౌరవం లేకుండా ఇక్కడ నాయకులు చీప్‌గా ప్రవర్తిస్తున్నారు. మూడేళ్ల పరిపాలన వైఫల్యాన్ని కప్పి పుచ్చడానికి కాంగ్రెస్ శతవిధాలా ప్రయత్నం చేస్తోంద‌ని కేటీఆర్ ఫైర్ అయ్యారు.

RR TAX వసూల్..

మూడేళ్ల కాంగ్రెస్ పాలనలో జనానికి ఒరిగింది ఏది లేదు. తెలంగాణ ఫాలింగ్ అవుతుంది. ఐటీ సెక్టార్ లో ఉద్యోగాలు పడిపోయాయన్నారు కేటీఆర్. అవినీతి, బంధుప్రీతిలో తెలంగాణ రైజింగ్ అవుతుంది. క్రైమ్ లో కూడా తెలంగాణ రైజింగ్ అవుతోంద‌న్న‌ కేటీఆర్‌.. మూడేళ్లలో వచ్చిన పెట్టుబడులపై ప్రభుత్వం శ్వేత పత్రం విడుదల చేయాలని డిమాండ్ చేశారు. 2026-27 బడ్జెట్‌లో చెప్పింది వాస్తవమా..? అవాస్త‌వమా..? అని కేటీఆర్ ప్ర‌శ్నించారు. రియల్ ఎస్టేట్ పడిపోయింది.. హైదరాబాద్‌లో బిల్డర్లను బెదిరిస్తున్నారు.. కమీషన్ల కోసం వెంటబడుతున్నారు. RR TAX వసూల్ చేస్తున్నారు. వేల కోట్ల భూములు కబ్జాలు చేస్తూ అమ్ముతున్నారు. గతంలో సవ్యంగా నడిచిన వ్యవస్థలు ఇప్పుడు నిర్వీర్యం అవుతున్నాయన్నారు.

కరెంట్ కోతలు పెరిగాయి. హైదరాబాద్‌లో మంచినీళ్ల కరువు లేదని ఉత్తమ్ కుమార్ రెడ్డి చెప్తున్నారు. ఆయన మినిస్టర్ క్వార్టర్స్‌కు వస్తే హైదరాబాద్‌ మొత్తం వచ్చినట్టా..? పేదల ఉసురు పోసుకుంది కాంగ్రెస్ .. సోనియమ్మ ఆత్మలో తెలంగాణ ఉంటే, ఆత్మకథ పుస్తకంలో తెలంగాణ ప్రస్తావన ఎందుకు లేదు.. సోనియాగాంధీ ఆత్మలో, గుండెలో తెలంగాణలో లేదు. తెలంగాణపై సోనియాగాంధీకి ప్రేమ లేదన్నారు కేటీఆర్.

కోట్లు ఖర్చు పెట్టీ ప్రచారం అవసరమా..?

భారత్ సమ్మిట్ ప్ర‌చారానికి కోట్లు ఖర్చు పెట్టీ ప్రచారం చేయ‌డం అవసరమా..? అని కేటీఆర్ ప్ర‌శ్నించారు. కరువులో 9వేల కోట్లు కొడంగల్ కు పెట్టడం అవసరమా..? రాష్ట్రంలో కొడంగల్ ఒక్కటే ఉందా..? నువ్వు తెచ్చిన కరువు.. ప్రకృతి తెచ్చిన కరువు కాదు.. పాలకులు తెచ్చిన వికృతి కరువు..250 TMC ల నీళ్లు కృష్ణా నదిలో ఉన్నాయి. ఎందుకు పంపులు ఆన్ చేయడం లేదన్నారు.

70 కిలోమీటర్ల దగ్గ‌ర‌లో ఉన్న పాలమూరుకు నీళ్లు రావు.. ఆంధ్రాకు ఎందుకు పోతున్నాయి. డిసెంబర్7 నాటికి మూడేళ్లు కాంగ్రెస్ ప్రభుత్వం ఏర్పడి..ఏ హామీ నెరవేర్చారు.. బీసీ,ఎస్టీ, ఎస్సీ ఏ మేర లబ్ది చేకూరింది. మూసీ టెండర్లు పిలుస్తున్నారు.. వారికి అవకాశం ఇస్తారా..? కరువులో సుందరీకరణ అవసరమా..? బియ్యం, కూరగాయలు ధరలు పెరుగుతుంటే ఇప్పుడు సుందరీకరణ అవసరమా..? కరువు సహాయక చర్యలు లేవు.. కరువు సాయం కేంద్రం ఇచ్చినాక నువ్వెందుకు..? కమీషన్ల మీద ఉన్న యావ తప్ప, రైతుల మీద ప్రేమ ఉందా..? అని కేటీఆర్ ఫైర్ అయ్యారు.

Read Also :

విద్యార్థినులను లైంగికంగా వేధిస్తున్న వంటమనిషి..? బాలికల గురుకుల స్కూల్‌లో కలకలం

Jupally Krishna Rao | కాలువల నుండి ఒక్క చుక్క నీరు ఇవ్వం.. మంత్రి జూపల్లి కృష్ణారావు

Free bus | ఫ్రీ బస్సులో సీటు కోసం జుట్టు పట్టుకుని కొట్టుకున్న మహిళలు : వీడియో

Comments (0)

User