అమేజింగ్‌గా ‘ది మేజ్‌’

16 November 2026 - 05:00
0 0
అమేజింగ్‌గా ‘ది మేజ్‌’
01

హీరో శ్రీరామ్‌ నటిస్తున్న సైకలాజికల్‌ థ్రిల్లర్‌ ‘ది మేజ్‌’. ప్రియాంక, హ్రితిక శ్రీనివాస్‌, కమల్‌ కామరాజు కీలకపాత్రధారులు. డాక్టర్‌ రవికిరణ్‌ గడలాయ్‌ దర్శకుడు. డాక్టర్‌ ఉదయ్‌ కె.రెడ్డి పాల్వాయి, డాక్టర్‌ కేఎస్‌ఆర్‌, డాక్టర్‌ భరత్‌రెడ్డి గోపు, డాక్టర్‌ అనిరుధ్‌రెడ్డి సోమ నిర్మాతలు. త్వరలోనే సినిమా విడుదల కానున్నది. ఈ సందర్భంగా ఈ సినిమా ట్రైలర్‌ లాంచ్‌ ఈవెంట్‌ని ఆదివారం హైదరాబాద్‌లో నిర్వహించారు.

ప్రముఖ దర్శక,నిర్మాత మధుర శ్రీధర్‌రెడ్డి, డైరెక్టర్‌ రాహుల్‌ రవీంద్రన్‌ ఈ కార్యక్రమానికి అతిథులుగా విచ్చేసి చిత్రబృందానికి శుభాకాంక్షలు అందించారు. హీరో శ్రీరామ్‌ మాట్లాడుతూ ‘ఇటీవల కాలంలో నేను చేసిన క్వాలిటీ సినిమా ఇది. కథ విన్నప్పుడు టెక్నికల్‌గా చెప్పినట్టు తీయడం కష్టం అనిపించింది. దాంతో ఓ డెమో షూట్‌ చేసి చూపించారు. నేను నిజంగా షాక్‌. ఇండస్ట్రీలో కొన్నాళ్లపాటు కొనసాగేంత మంచి దర్శకుడు రవికిరణ్‌ అనిపించింది. ఈ సినిమా కచ్ఛితంగా విజయం సాధిస్తుంది’ అని తెలిపారు. ఇంకా చిత్రబృందమంతా మాట్లాడారు.

Comments (0)

User