అడవుల్లో కట్టల కొద్దీ అవినీతి సొమ్ము

16 November 2026 - 05:00
0 0
అడవుల్లో కట్టల కొద్దీ అవినీతి సొమ్ము
Cassssssh
  • హంగేరీ మాజీమంత్రి కేసులో 188 కోట్ల నగదు లభ్యం
  • అడవులు, గోదాముల్లో దాచిన మిక్లోష్‌ సెజ్టాక్‌

బుడాపెస్ట్‌ : హంగేరీ మాజీ మంత్రి మిక్లోష్‌ సెజ్టాక్‌ అవినీతిపై కొత్త ప్రభుత్వం ఉక్కుపాదం మోపింది. ఆయన మంత్రిగా ఉండగా ఆర్జించిన అక్రమ సంపాదనపై దాడులు ప్రారంభించింది. అడవులు, వ్యవసాయ భవనాలు, గోదాముల్లో దాచిన సుమారు రూ.188 కోట్లను పీటర్‌ మగ్యార్‌ ప్రభుత్వం వెలికితీసింది. అడవుల్లో పాతిపెట్టిన కట్టల కట్టల నగదును చూసి అధికారులు విస్తుపోయారు.

ఏప్రిల్‌లో జరిగిన ఎన్నికల్లో 16 ఏండ్లుగా అధికారంలో ఉన్న విక్టర్‌ ఓర్బన్‌ను పీటర్‌ మగ్యార్‌ ఓడించి ప్రధాన మంత్రిగా బాధ్యతలు చేపట్టారు. అనంతరం ఓర్బన్‌ ప్రభుత్వంలో మంత్రిగా పనిచేసిన మిక్లోష్‌ సెజ్టాక్‌పై లంచం కేసులో సోదాలు జరిపారు. ‘సోదాల సమయంలో దర్యాప్తు అధికారులు అడవుల్లో పాతిపెట్టిన, వ్యవసాయ భవనాలు, గోదాములు, ఒక నివాస భవనంలో దాచిన భారీ నగదును గుర్తించారు’ అని అధికారులు శుక్రవారం తెలిపారు.

Comments (0)

User