అందుకే టాలీవుడ్‌కు దూరం!

19 November 2026 - 07:00
0 0
అందుకే టాలీవుడ్‌కు దూరం!
Sreeleela

అచ్చ తెలుగందం శ్రీలీల గత కొంతకాలంగా తెలుగు సినిమాలను తగ్గించింది. దీంతో ఆమె టాలీవుడ్‌కు దూరమవుతున్నదా అని అభిమానుల్లో చర్చ మొదలైంది. తాజా ఇంటర్వ్యూలో ఈ ప్రశ్నకు సమాధానమిచ్చిందీ భామ. మెడిసిన్‌ చదువు, ఇంటర్న్‌షిప్‌ కారణంగా రెండేళ్ల పాటు ముంబయిలో ఉండాల్సి రావడంతో తెలుగులో కొత్త సినిమాలను అంగీకరించలేకపోయానని చెప్పింది.

అంతకుమించి తెలుగుకు దూరం కావడానికి పెద్ద కారణాలు లేవని వివరించింది. సినిమాల జయాపజయాల గురించి మాట్లాడుతూ ‘చాలా చిన్న వయసులో నటిగా ప్రయాణాన్ని మొదలుపెట్టాను. కెరీర్‌ తొలిరోజుల్లో సినిమాల ఎంపిక విషయంలో నాకు పెద్దగా స్వేచ్ఛ ఉండేది కాదు. తొలిరోజుల్లో వచ్చిన అవకాశాలను అంగీకరిస్తూ ముందుకెళ్లా. కొన్ని సినిమాల తర్వాత తప్పులు ఎక్కడ జరుగుతున్నాయో అర్థమైంది. ఇప్పుడు సినిమాల ఎంపికలో పరిణతి వచ్చింది’ అని శ్రీలీల చెప్పింది.

Comments (0)

User