‘హార్ట్స్‌ అక్రాస్‌ ది సీ’.. ఓ సాహసయాత్ర

16 November 2026 - 05:00
0 0
‘హార్ట్స్‌ అక్రాస్‌ ది సీ’.. ఓ సాహసయాత్ర
01

రిట్జ్‌ ఆర్ట్‌ హౌస్‌ – అమెరికా నిర్మించిన యానిమేటెడ్‌ లఘుచిత్రం ‘హార్ట్స్‌ అక్రాస్‌ ది సీ’. డాక్టర్‌ అపర్ణ వొల్లూరు రాసిన మూలకథ, పాత్రల ఆధారంగా ఆంటోనియా ఆండ్రియాజ్జో స్వీయ దర్శకత్వంలో నిర్మించిన ఈ షార్ట్‌ ఫిల్మ్‌ ప్రీమియర్‌ ఆదివారం హైదరాబాద్‌ ప్రసాద్‌ ల్యాబ్స్‌లో జరిగింది. ప్రముఖ రచయిత విజయేంద్రప్రసాద్‌ ఈ ప్రీమియర్‌కి ముఖ్య అతిథిగా విచ్చేసి చిత్రబృందానికి శుభాకాంక్షలు అందించారు.

ఈ లఘుచిత్రం నిడివి 24 నిమిషాల 48 సెకన్లు. తక్కువ సమయంలోనే ఎక్కువ సంతోషాన్ని పంచే స్క్రిప్ట్‌ ఇది. అమెరికాలోని ఒరెగాన్‌ ప్రాంతంలో నివసించే ఓ బీహార్‌ కుటుంబం, వారి స్నేహితులు కలిసి ‘వ్యాలీ హార్ట్‌’ అనే నౌకలో చేపట్టే సముద్రయాత్ర చుట్టూ ఈ కథ సాగుతుంది. ఇటలీలోని వెరోనా నగరాన్ని చూడాలన్న భార్య కలను నిజం చేసేందుకు భర్త చేసే ప్రయత్నమే ఈ లఘుచిత్రమని మేకర్స్‌ తెలిపారు. స్నేహం, ధైర్యం, అనుకోని సవాళ్లు, పరస్పర సహకారంతో సాగే ఈ సాహసయాత్ర ప్రేక్షకులకు ఓ కొత్త అనుభూతిని ఇస్తుందని వారన్నారు. ఇంకా చిత్రబృందమంతా మాట్లాడారు.

Comments (0)

User