వ్యర్థాలతో రోబోలు..!

• కేరళ కుర్రాడి ఆవిష్కరణలు
• కార్డ్‌బోర్డు పెట్టెలు, వైర్లతో గృహోపకరణాలు తయారీ

తిరువనంతపురం : ప్రతి ఇంట్లో కనిపించే కార్డ్‌బోర్డు పెట్టెలు, వైర్లు, పాత ఎలక్ట్రానిక్‌ వస్తువులు మనకు ఎందుకూ పనికిరానివిగా కనిపిస్తుంటాయి కదా. కానీ కేరళకు చెందిన యువ ఆవిష్కర్త లెవిన్‌ పాలోస్‌ మాత్రం వాటితోనే రోబోలు తయారు చేస్తున్నారు. ఇప్పటి వరకు రోబోలు తయారు చేయాలంటే అత్యాధునిక పరికరాలు ఉండాలని అనుకుంటున్నారు. కానీ లెవిన్‌ మాత్రం కార్డ్‌బోర్డు ముక్కలు, వైర్లతోనే హ్యూమనాయిడ్‌ రోబోలు తయారు చేస్తున్నాడు. పాత వస్తవులతో ఇంట్లో వంట చేసే యంత్రాన్ని కనుగొన్నాడు.

‘డూ ఇట్‌ యువర్‌ సెల్ఫ్‌’ పేరుతో లెవిన్‌ సృష్టిస్తున్న ఆవిష్కరణలకు ఇంట్లో ఉండే వ్యర్థాలనే ముడి సరుకుగా మార్చుకుంటున్నాడు. హ్యూమనాయిడ్‌ రోబోట్‌, డీఐవై వాక్యూమ్‌ క్లీనర్‌, ఆటోమేటిక్‌ కర్టెన్‌ ఓపెనర్‌, ఆటోమేటిక్‌ ఫుడ్‌ స్టిరర్‌ లాంటివి అతను కనిపెట్టాడు. అతని ఆవిష్కరణలు సోషల్‌ మీడియాలో వైరల్‌ అవుతున్నాయి. కేరళ సీఎం వీడీ సతీషన్‌ ప్రశంసలు కురిపించారు.