‘యువత డ్యాన్స్ ప్రతిభకు సువర్ణావకాశం’

– ఈ 14, 15 తేదీల్లో తెలుగు రాష్ట్రాల స్థాయి డ్యాన్స్ పోటీలు

చుంచుపల్లి, నవంబర్ 07 : యువతలోని నృత్య‌ ప్రతిభను వెలికితీసేందుకు డ్యాన్స్ పోటీలు చక్కటి వేదికగా నిలుస్తాయని జేబీపీ రాష్ట్ర వర్కింగ్ ప్రెసిడెంట్ యెర్రా కామేష్ అన్నారు. శనివారం భద్రాద్రి ఫిలిం ఛాంబర్ ఆధ్వర్యంలో కొత్తగూడెం సీఈఆర్ క్లబ్‌లో ఈ నెల 14, 15 తేదీల్లో నిర్వహించనున్న రెండు తెలుగు రాష్ట్రాల డ్యాన్స్ పోటీల పోస్టర్‌ను ఆయన ఆవిష్కరించారు. సబ్ జూనియర్స్, జూనియర్స్, సీనియర్స్ విభాగాల్లో సోలో, గ్రూప్ డ్యాన్స్ పోటీలు నిర్వహించనున్నట్లు తెలిపారు. విజేతలకు మెమెంటోలు, సర్టిఫికెట్లు అందజేస్తామని, కళాకారులు ఈ అవకాశాన్ని సద్వినియోగం చేసుకోవాలని కోరారు. ఈ కార్యక్రమంలో డ్యాన్స్ మాస్టర్, నిర్వాహకుడు ప్రభురాజ్, రవికుమార్, మాలోత్ రాజా, కార్తిక్, వినయ్ పాల్గొన్నారు.