మాటల జీవోలు.. నీటి మూటలు

ప్రమాణ స్వీకారం చేసిన కొత్తలో ఓ సభలో సీఎం రేవంత్‌రెడ్డి మాట్లాడుతూ ‘నా మాటే జీవో’ అని గట్టిగనే చెప్పిండ్రు. ఆ మాటలు నమ్మి అధికారులు సీఎం నోటి నుంచి వచ్చిన ప్రతి మాటకూ జీవో నంబర్లు కేటాయించుకుంటూ పోతే సచివాలయం కాగితాల గోదాముగా మారేదేమో! నోటికచ్చింది ప్రకటించడం సీఎం కు ఆనవాయితీగా మారింది, ఆచరణలో పెట్టలేక తలలు పట్టుకోవడం అధికారుల వంతు అవుతున్నది. ఆదరా బాదరాగా రైతు డిస్కమ్‌ ప్రకటించి ఏడాది దాటింది. ఆఫీసు పెట్టిండ్రు, సీఎండీని కుర్చీలో కూర్చోబెట్టిండ్రు.

తీరా ఈఆర్సీ పెట్టిన కండిషన్లు పూర్తిచేయలేక ఇప్పుడు రైతు జీవితాల్లాగే రైతు డిస్కమ్‌ కూడా త్రిశంకు స్వర్గంలో వేలాడుతున్నది. ఇలా పలు పనులు మధ్యలో ఉన్నప్పుడు ప్రభుత్వం ఆలోచనలు మార్చుకుంటున్నది. అంటే అవగాహన లేకుండానే మాటలు చెప్పడం వేరు, ఆచరణలో చూపడం వేరు అని పాలకులు గుర్తిస్తలేరు. ఇప్పుడు ఇంటర్‌ కాలేజీలన్నీ 10+2 విధానంలోకి మారుస్తామంటున్నరు. మరి ఇది కూడా ప్రకటనల పద్దులోనే ఉంటదా లేక కార్యరూపం దాలుస్తదా? చూడాలె మరి!