‘ప్రభుత్వ నర్సింగ్ ఉద్యోగ నియామకాల్లో ఎస్సీ వర్గీకరణ అమలు చేయాలి’

17 November 2026 - 17:30
0 0
‘ప్రభుత్వ నర్సింగ్ ఉద్యోగ నియామకాల్లో ఎస్సీ వర్గీకరణ అమలు చేయాలి’
'ప్రభుత్వ నర్సింగ్ ఉద్యోగ నియామకాల్లో ఎస్సీ వర్గీకరణ అమలు చేయాలి'

– వైద్య ఆరోగ్యశాఖ అధికారికి టీఎంఆర్‌పీఎస్‌ నాయకుల వినతి

భద్రాద్రి కొత్తగూడెం, నవంబర్ 17 : ప్రభుత్వ నర్సింగ్ ఉద్యోగ నియామకాల్లో ఎస్సీ వర్గీకరణను అమలు చేసి మాదిగలతో పాటు ఉప కులాలకు న్యాయం చేయాలని తెలంగాణ మాదిగ రిజర్వేషన్ పోరాట సమితి (TMRPS) రాష్ట్ర వర్కింగ్ ప్రెసిడెంట్ గుండా రమేశ్‌ మాదిగ అన్నారు. ఈ మేరకు మంగళవారం జిల్లా వైద్య ఆరోగ్యశాఖ సూపరింటెండెంట్ డి.శ్రీనివాస్‌కు వినతిపత్రం అందజేశారు. ఎస్సీ వర్గీకరణ ఉద్దేశానికి అనుగుణంగా ప్రభుత్వ నర్సింగ్ ఉద్యోగ నియామకాల్లోనూ రిజర్వేషన్లను అమలు చేయాలని, కేటగిరీల వారీగా ఉద్యోగాలు భర్తీ చేసి సామాజికంగా, ఆర్థికంగా, విద్యాపరంగా వెనుకబడిన మాదిగలకు సముచిత అవకాశాలు కల్పించాలని కోరారు. ఎస్సీ వర్గీకరణ ఉత్తర్వులు అమలయ్యేలా జిల్లా అధికారులు ప్రత్యేక శ్రద్ధ తీసుకోవాలని విజ్ఞప్తి చేశారు. దీనిపై స్పందించిన సూపరింటెండెంట్ డి.శ్రీనివాస్ ఈ విషయాన్ని ఉన్నతాధికారుల దృష్టికి తీసుకెళ్తానని హామీ ఇచ్చారు. ఈ కార్యక్రమంలో టీఎంఆర్‌పీఎస్ సీనియర్ నాయకులు జె.శ్రీనివాస్ మాదిగ, జిల్లా నాయకులు ఎస్‌ఎల్‌జీ శ్రీనివాస్ మాదిగ, బొమ్మెర అశోక్ మాదిగ, టేకుర్తి రాజు మాదిగ పాల్గొన్నారు.

Comments (0)

User