నీటి కొరతపై సీఎం, మంత్రి చెరోమాట
- 750 ఎంజీడీలకు 500 సరఫరా
- ఎమ్మెల్యే సుధీర్రెడ్డి ధ్వజం
హైదరాబాద్, నవంబర్ 16 (నమస్తేతెలంగాణ): ‘హైదరాబాద్ మహానగరంలో నీటి కొరతపై సీఎం రేవంత్రెడ్డి, మంత్రి ఉత్తమ్కుమార్రెడ్డి చెరోమాట చెప్తున్నారు. భయంకరమైన కరువొస్తుందని చుక్క చుక్క ఒడిసిపట్టుకోవాలని సీఎం అంటుంటే, మంత్రి ఉత్తమ్ మాత్రం అదేం లేదంటూ బుకాయిస్తున్నారు’ అని ఎల్బీనగర్ ఎమ్మెల్యే దేవిరెడ్డి సుధీర్రెడ్డి మండిపడ్డారు.
సోమవారం తెలంగాణ భవన్లో ఆయన విలేకరులతో మాట్లాడారు. హైదరాబాద్కు 750 ఎంజీడీలు అవసరం ఉండ గా 500 ఎంజీడీలే సరఫరా చేస్తున్నారని తెలిపారు. జలమండలి అధికారు లు మాత్రం 580 ఎంజీడీలు అందిస్తున్నామని తప్పుడు లెక్కలు చెప్తున్నారని మండిపడ్డారు. మరో 15 రోజుల్లో మంజీరా నుంచి వచ్చే 120 ఎంజీడీల సరఫరా నిలిచిపోయే ప్రమాదం ఉన్నదని హెచ్చరించారు. 3,22,000 కనెక్షన్లకు నీరు అందించలేని పరిస్థితి వస్తుందని ఆందోళన వ్యక్తంచేశారు.
కరువు వస్తుందని, కన్నెపల్లి నుంచి నీళ్లు ఎత్తండని బీఆర్ఎస్ వర్కింగ్ ప్రెసిడెంట్ కేటీఆర్, నగర ఎమ్మెల్యేలు చెప్పి నా సర్కా ర్ పెద్దలు వినకుండా మూర్ఖంగా వ్యవహరించి కరువును ప్రజలపై రుద్దారని విరుచుకుపడ్డారు. కేసీఆర్ హయాంలో రూ.3, 800 కోట్లు వెచ్చించి 32 ఎస్టీపీలను నిర్మించారని గుర్తుచేశారు. ఇప్పుడు అవే ఎస్టీపీల ద్వారా వస్తున్న నీటినే ప్రభుత్వం గృహావసరాలకు అమ్ముకొంటున్నదని ధ్వజమెత్తారు.
రోజూ 8 వేలకు పైగా నీటి ట్యాంకర్ల బుకింగ్

నగరంలో రోజూ 8 వేలకుపైగా నీటి ట్యాంకర్లను బుక్ చేసుకుంటున్నారని, హైదరాబాద్లో నీళ్లు లేక జనం అల్లాడుతున్నారని బీఆర్ఎస్ నేత మన్నె గోవర్ధన్రెడ్డి ఆవేదన వ్యక్తంచేశారు. గచ్చిబౌలి, కొండాపూర్, మణికొండ, మాదాపూర్లో నీటి సరఫరా పరిస్థితి దారుణంగా ఉన్నదని తెలిపారు. ‘సీఎం రేవంత్రెడ్డి తాగేందుకు నీళ్లు లేవు అంటడు. ఉత్తమ్ కుమార్రెడ్డి హైదరాబాద్ నగరంలో నీళ్ల సమస్య లేదంటరు. జనాలు అసలు ఎవరి మా టలను నమ్మాలి?’ అని సోమవారం ఒక ప్రకటనలో ప్రశ్నించారు. నగర గల్లీల్లో ఉత్తమ్ తిరిగితే.. జనాలు బట్టలూడదీసి కొడుతారని హెచ్చరించారు.
ఇదే అత్యుత్తమ జోక్ తాగునీటి సమస్యలేదన్న ఉత్తమ్కు కేటీఆర్ చురకలు
హైదరాబాద్ నగరంలో తాగునీటి సమస్య లేదంటూ మంత్రి ఉత్తమ్ చేసిన వ్యాఖ్యలపై బీఆర్ఎస్ వరింగ్ ప్రెసిడెంట్ కేటీఆర్ వ్యంగ్యాస్త్రాలు సంధించారు. ఉత్తమ్ వ్యాఖ్యను ఉద్దేశిస్తూ ‘ఇటీవలి కాలంలో తాను విన్న అత్యుత్తమ జోక్ ఇదే’ అం టూ ఎక్స్ వేదికగా ఎద్దేవాచేశారు. ‘బెస్ట్ జోక్ ఐ హావ్ హర్డ్ ఇన్ ఏ వైల్’ అం టూ స్పందించిన కేటీఆర్.. కాంగ్రెస్ పార్టీపైనా విమర్శలు గుప్పించారు. ‘ఎలెక్ట్ కాంగ్రెస్ క్లౌన్స్.. ఎక్స్పెక్ట్ సరస్’ (కాంగ్రెస్ జోకర్లను ఎన్నుకుంటే సర స్ చూడాల్సిందే) అంటూ దెప్పిపొడిచారు. హైదరాబాద్ నగరంలో నీటి సమస్య లేదని ఢిల్లీలో ఉత్తమ్ చెప్పిన మాటల వార్త క్లిప్పింగ్ను జతచేశారు.
Comments (0)