కోడి దొంగతనం కేసు.. మనస్తాపంతో వ్య‌క్తి ఆత్మహత్యాయత్నం

17 November 2026 - 17:30
0 0
కోడి దొంగతనం కేసు.. మనస్తాపంతో వ్య‌క్తి ఆత్మహత్యాయత్నం
కోడి దొంగతనం కేసు.. మనస్తాపంతో వ్య‌క్తి ఆత్మహత్యాయత్నం

​భద్రాచలం, న‌వంబ‌ర్ 17 : చర్ల పోలీస్ స్టేషన్‌లో కోడి దొంగతనం కేసు నమోదు కావడంతో తీవ్ర మనస్తాపానికి గురైన ఓ యువకుడు ఆత్మహత్యాయత్నానికి పాల్పడిన ఘటన భద్రాచలం అంబేద్కర్ సెంటర్ వద్ద చోటుచేసుకుంది. ​చర్ల మండలం తేగడ గ్రామానికి చెందిన నరేశ్ అనే యువకుడు తనపై కోడి దొంగతనం కేసు నమోదైందని, తనకు న్యాయం చేయాలని కోరుతూ పురుగుల మందు డబ్బాతో బెదిరింపులకు దిగాడు. అంతేకాకుండా మరోవైపు ఒంటిపై పెట్రోల్ పోసుకుంటూ ఆత్మహత్య చేసుకుంటానని హల్ చల్ చేశాడు. ​స్థానికులు వెంటనే అప్రమత్తమై చాకచక్యంగా వెనుక నుండి వచ్చి అతడి చేతుల్లో ఉన్న పెట్రోల్ బాటిల్‌ను లాక్కొని ప్రమాదాన్ని తప్పించారు. సమాచారం అందుకున్న పోలీసులు వెంటనే సంఘటనా స్థలానికి చేరుకున్నారు. అయితే అప్పటికే ఆ యువకుడు పురుగుల మందు తాగి ఉండడంతో, చికిత్స కోసం పోలీసులు అతడిని వెంటనే భద్రాచలం ప్రభుత్వ ఆస్ప‌త్రికి తరలించారు. ఈ ఘటన స్థానికంగా కలకలం రేపింది.

Comments (0)

User