కారేపల్లిలో ప్రజావాణిపై అధికారుల నిర్లక్ష్యం

కారేపల్లి, నవంబర్ 16 : ప్రజల సమస్యలను నేరుగా తెలుసుకుని పరిష్కరించేందుకు నిర్వహించే ప్రజావాణి కార్యక్రమం కారేపల్లిలో సోమవారం మొక్కుబడిగా సాగింది. ప్రజావాణి కార్యక్రమానికి అధికారులు హాజరై ప్రజల నుండి వినతులు స్వీకరించి, సమస్యల పరిష్కారానికి చర్యలు తీసుకోవాల్సి ఉండగా, వారి గైర్హాజరీతో కార్యక్రమం నిర్వహణపై విమర్శలు వ్యక్తమయ్యాయి. ప్రజలు తమ సమస్యల పరిష్కారం కోసం ఎంతో ఆశతో ప్రజలు కార్యాలయానికి వస్తుంటారని అధికారులు అందుబాటులో లేకపోవడం పట్ల పలువురు అసంతృప్తి వ్యక్తం చేస్తున్నారు. ప్రజావాణి కేవలం నామమాత్రం నిర్వహణకే పరిమితం కాకుండా ప్రజల సమస్యలకు పరిష్కారం చూపే వేదికగా ఉండాలని, ఉన్నతాధికారులు స్పందించి ప్రతి సోమవారం నిర్వహించే కార్యక్రమానికి సంబంధిత అధికారులు తప్పనిసరిగా హాజరయ్యేలా చర్యలు తీసుకోవాలని ప్రజలు కోరుతున్నారు.
Comments (0)