ఉసిరికాయలపల్లి ఏహెచ్‌ఎస్ పాఠశాలలో డీడీ ఆకస్మిక తనిఖీ

18 November 2026 - 16:30
0 0
ఉసిరికాయలపల్లి ఏహెచ్‌ఎస్ పాఠశాలలో డీడీ ఆకస్మిక తనిఖీ
Dd

కారేపల్లి,నవంబర్ 18 : ఖ‌మం జిల్లా సింగరేణి మండల పరిధిలోని ఉసిరికాయలపల్లి ఆశ్రమ ఉన్నత పాఠశాల (AHS)ను ఖమ్మం జిల్లా గిరిజన సంక్షేమ శాఖ డిప్యూటీ డైరెక్టర్ ఎం. ఫిరంగి బుధవారం ఆకస్మికంగా తనిఖీ చేశారు. ముందస్తు సమాచారం లేకుండా పాఠశాలను సందర్శించిన ఆయన పాఠశాలలో విద్యా బోధన, విద్యార్థులకు కల్పిస్తున్న వసతులు, పాఠశాల నిర్వహణకు సంబంధించిన పలు అంశాలను క్షేత్రస్థాయిలో పరిశీలించారు. తనిఖీలో భాగంగా ముందుగా పాఠశాలలోని తరగతి గదులను సందర్శించి విద్యార్థులతో నేరుగా ముఖాముఖి మాట్లాడారు. తరగతుల్లో విద్యార్థుల అభ్యసన తీరును తెలుసుకోవడంతో పాటు పాఠ్యాంశాలపై వారికి ఉన్న అవగాహన గురించి ఆరా తీశారు.

చదువులో ఎదురవుతున్న ఇబ్బందులు, విద్యా సంబంధిత సమస్యలు, అవసరమైన సదుపాయాల గురించి విద్యార్థులను అడిగి తెలుసుకున్నారు. అనంతరం పాఠశాల ఆవరణను క్షుణ్ణంగా పరిశీలించారు. విద్యార్థులకు అందుతున్న భోజన సదుపాయాలు, వంటశాల నిర్వహణకు సంబంధించిన వివరాలను సిబ్బందిని అడిగి తెలుసుకున్నారు. కార్య‌క్ర‌మంలో పాఠశాల ప్రధానోపాధ్యాయులు ధర్మా,సీనియర్ ఉపాధ్యాయులు, డిప్యూటీ వార్డెన్ గోపి, ఉపాధ్యాయ బృందం పాల్గొన్నారు.

Comments (0)

User