‘ఉపాధి హామీ కూలీలకు రూ.12 వేలు ఇవ్వాలి’

18 November 2026 - 21:30
0 0
‘ఉపాధి హామీ కూలీలకు రూ.12 వేలు ఇవ్వాలి’
'ఉపాధి హామీ కూలీలకు రూ.12 వేలు ఇవ్వాలి'

తుంగతుర్తి, న‌వంబ‌ర్ 18 : ఉపాధి హామీ కూలీలకు కాంగ్రెస్ అసెంబ్లీ ఎన్నికల ముందు మేనిఫెస్టోలో ఇచ్చిన ఇందిరమ్మ ఆత్మీయ భరోసా పథకం కింద రైతు కూలీలకు సంవత్సరానికి రూ.12 వేలు ఇవ్వాలని బీఆర్ఎస్ తుంగ‌తుర్తి మండలాధ్య‌క్షుడు తాటికొండ సీతయ్య డిమాండ్ చేశారు. బుధవారం తుంగతుర్తి మండలం బండరామారంలో ఉపాధి హామీ కూలీలతో కలిసి నిరసన వ్యక్తం చేశారు. ఈ సందర్భంగా ఆయన మాట్లాడుతూ.. కాంగ్రెస్ ప్రభుత్వం అధికారంలోకి వచ్చి మూడేళ్లు అవుతున్నా ఆత్మీయ భరోసా పథకాన్ని అమలు చేయడం లేదన్నారు. హామీల అమలు చేయడంలో కాంగ్రెస్ ప్రభుత్వం పూర్తిగా విఫలమైందని మండిపడ్డారు. వృద్ధులకు పెన్షన్ మంజూరులో జాప్యం చేయకుండా వెంటనే పెన్షన్లు మంజూరు చేయాలని కోరారు. ఈ కార్యక్రమంలో కొల్లూరి మహేందర్, ఆకారపు భాస్కర్, అకారాపు రమేశ్‌, కొల్లూరి లింగయ్య, గడ్డం సోమయ్య, ఆకారపు ముత్తి లింగయ్య, ప్రేమలత, రాములమ్మ, ఇందిరమ్మ, సుగుణమ్మ, చల్ల ఉప్పలయ్య, చల్ల నర్సయ్య పాల్గొన్నారు.

Comments (0)

User