Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?

16 November 2026 - 19:00
0 0
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ   తర్వాత ఏం జరిగిందంటే?
Speeding Car Rams Parked Je

సిమ్లా: ఒక మహిళ ఫోన్‌ మాట్లాడుతూ రోడ్డుపై నడుస్తున్నది. ఎదురుగా ఒక కారు వేగంగా రావడాన్ని ఆమె గమనించింది. తప్పించుకునేందుకు ఆ మహిళ పక్కకు పరుగెత్తింది. అయితే అక్కడ పార్క్‌ చేసిన ఒక జీప్‌ను ఆ కారు ఢీకొట్టి బోల్తా పడింది. ఆ జీపు కూడా గాల్లోకి ఎగిరిపడింది. ఆ జీపు ముందున్న ఆ మహిళ తీవ్రంగా గాయపడింది. (Speeding Car Rams Parked Jeep) హిమాచల్‌ప్రదేశ్‌లోని సోలన్‌ జిల్లాలో ఈ సంఘటన జరిగింది. నవంబర్‌ 14న సోలన్‌లోని దాతౌవాల్‌లో ఒక మహిళ ఫోన్‌లో మాట్లాడుతూ రోడ్డుపై నడుస్తున్నది. పార్క్‌ చేసిన ఒక జీపు ముందు ఆమె ఉన్నది.

కాగా, ఎదురుగా స్విఫ్ట్ కారు వేగంగా రావడాన్ని ఆ మహిళ గమనించింది. ప్రమాదాన్ని శంకించిన ఆమె పక్కకు తప్పుకునేందుకు ప్రయత్నించింది. వేగంగా వచ్చిన ఆ కారు ఆగి ఉన్న జీపును ఢీకొట్టి పల్టీలు కొట్టింది. ఈ ప్రమాద తీవ్రతకు పార్క్‌ చేసిన జీపు గాలిలోకి ఎగిరి పడింది. దాని ముందు ఉన్న ఆ మహిళను అది ఢీకొట్టింది.

మరోవైపు ఈ ప్రమాదాన్ని చూసిన స్థానికులు సహాయం కోసం వెంటనే ఆ మహిళ వద్దకు పరుగున వెళ్లారు. తీవ్రంగా గాయపడిన ఆమెను వైద్య చికిత్స కోసం ఆసుపత్రికి తరలించారు. పోలీసులు ఈ సంఘటనపై దర్యాప్తు చేస్తున్నారు. ఆ ప్రాంతంలోని సీసీటీవీలో రికార్డైన ఈ షాకింగ్‌ వీడియో క్లిప్‌ సోషల్‌ మీడియాలో వైరల్‌ అయ్యింది.

Comments (0)

User