Sarpanch Elections: స‌ర్పంచ్ ఎన్నిక‌ల్లో హింస‌.. పోల్ సిబ్బందిపై దాడి, మెజిస్ట్రేట్ కారు ద‌గ్ధం

17 November 2026 - 13:30
0 0
Sarpanch Elections: స‌ర్పంచ్ ఎన్నిక‌ల్లో హింస‌.. పోల్ సిబ్బందిపై దాడి, మెజిస్ట్రేట్ కారు ద‌గ్ధం
Rajasthan

జైపూర్‌: రాజ‌స్థాన్‌లో సోమ‌వారం స‌ర్పంచ్ ఎన్నిక‌లు(Sarpanch Elections) జ‌రిగాయి. భారీ సంఖ్య‌లో ఓట‌ర్లు త‌మ ఓటు హ‌క్కును వినియోగించుకున్నారు. అయితే బాన్స్‌వారా జిల్లాలో హింస చోటుచేసుకున్న‌ది. ఓడిపోయిన స‌ర్పంచ్ అభ్య‌ర్థి మ‌ద్ద‌తుదారులు వీరంగం సృష్టించారు. పోలింగ్ సిబ్బందిపై దాడి చేశారు. జోన‌ల్ మెజిస్ట్రేట్‌కు చెందిన వాహ‌నాన్ని త‌గుల‌బెట్టారు. స‌ర్పంచ్ ఎన్నిక‌ల ఫ‌లితాలు వెల్ల‌డైన త‌ర్వాత ఈ ఘ‌ట‌న జ‌రిగింది. బ‌విడి నినామా గ్రామ పంచాయ‌తీ ప‌రిధిలో ఈ విధ్వంసం చోటుచేసుకున్న‌ది.

ల‌లిత్ కుమార్ అనే స‌ర్పంచ్ అభ్య‌ర్థి 32 ఓట్ల‌తో ఓట‌మి పాల‌య్యాడు. దీంతో అత‌ని మద్ద‌తుదారులు హింస‌కు పాల్ప‌డ్డారు. ఫ‌లితాల ప్ర‌క‌ట‌న‌పై వ్య‌తిరేక‌త వ్య‌క్తం చేసిన ల‌లిత్ మ‌ద్ద‌తుదారులు ఆవేశంతో పోలింగ్ సిబ్బందిపై దాడి చేశారు. మొత్తం మూడు వాహ‌నాల‌కు నిప్పుపెట్టారు. గెలిచిన అభ్య‌ర్థి బృందంపై రాళ్ల‌తో దాడి చేశారు. గొడ‌వ నేప‌థ్యంలో భారీ సంఖ్య‌లో భ‌ద్ర‌త‌ను ఏర్పాటు చేశారు.

Comments (0)

User