Punjab CM | రోడ్డు ప్ర‌మాద మృతుల‌కు రూ.5 ల‌క్ష‌ల చొప్పున ప‌రిహారం ప్ర‌క‌టించిన భ‌గ‌వంత్ మాన్‌..!

Punjab CM : రోడ్డు ప్ర‌మాదం (Road Accident) లో మృతిచెందిన వారి కుటుంబాల‌కు రూ.5 ల‌క్ష‌ల చొప్పున ప‌రిహారం చెల్లించ‌న‌న్న‌ట్లు పంజాబ్ ముఖ్యమంత్రి (Punjab CM) భగవంత్ మాన్ (Bhagawanth Mann) తెలిపారు. తార‌న్‌త‌ర‌న్ జిల్లాలో రెండు బస్సులు ఢీకొన్న ప్రమాదంలో న‌లుగురు యాత్రికులు, మోటార్ సైకిల్ వెనుక కూర్చున్న మ‌రో వ్య‌క్తి మ‌ర‌ణించారు. వారికి ఒక్కొక్కరికి రూ.5 లక్షల పరిహారాన్ని ప్రకటించారు.

అదేవిధంగా ప్రమాదంలో గాయపడిన వారికి ఒక్కొక్కరికి రూ.1 లక్ష చొప్పున పరిహారం ఇవ్వ‌నున్న‌ట్లు తెలిపారు. శనివారం నౌషెహ్రా పన్నూన్ సమీపంలో జాతీయ రహదారి-54 పై పంజాబ్ ప్రభుత్వానికి చెందిన రెండు బస్సులు ఢీకొన్న ఘటనలో నలుగురు యాత్రికులు, మోటార్‌సైకిల్‌పై వెనుక కూర్చున్న మ‌రో వ్యక్తి మ‌ర‌ణించారు. మరో 15 మందికిపైగా గాయపడ్డారు. గాయపడిన వారి ఆరోగ్య పరిస్థితి గురించి తెలుసుకోవడానికి ఆదివారం అమృత్‌సర్‌లోని ఆస్ప‌త్రిని సందర్శించిన మాన్ విలేకరులతో మాట్లాడుతూ ఈ ఘటనను దురదృష్టకరమైనదిగా అభివర్ణించారు.

మోటార్‌సైకిల్‌ను తప్పించే ప్రయత్నంలో బస్సు డ్రైవర్లలో ఒకరు రోడ్డు డివైడర్‌ను దాటి ఎదురుగా వస్తున్న బస్సును ఢీకొనడంతో ఈ ప్రమాదం జరిగింది. రాష్ట్ర ప్రభుత్వ ‘ముఖ్య మంత్రి తీర్థయాత్ర పథకం’ కింద రెండు బస్సుల్లోనూ ప్ర‌మాద స‌మ‌యంలో 37 మంది యాత్రికులు ఉన్నారు. ఈ పథకం కింద 50 ఏళ్లు, అంతకంటే ఎక్కువ వయస్సు ఉన్నవారు తీర్థయాత్రలు చేయడానికి అర్హులు. పంజాబ్ ప్రభుత్వం అర్హులైన యాత్రికులకు ఉచితంగా ఏసీ స్లీపర్ బస్సు ప్రయాణం, వసతి ఆహారాన్ని అందిస్తుంది.